Nammude Arogyam
General

വയറുവേദനയുടെ ലക്ഷണങ്ങൾ അടിക്കടി ബുദ്ധിമുട്ടിക്കാറുണ്ടോ? പരിഹാരമിതാ

വയറുമായി ബന്ധപ്പെട്ട ആരോഗ്യ പ്രശ്നങ്ങളുണ്ടാകുന്നത് പലരിലും സാധാരണമാണ്. പലവിധ കാരണങ്ങൾ കൊണ്ട് ഒരാൾക്ക് വയറുവേദനയും മറ്റ് അനുബന്ധ ലക്ഷണങ്ങളും അനുഭവപ്പെടാറുണ്ട്. ദഹനപ്രക്രിയ ശരിയായ രീതിയിൽ നടക്കാതെ വരുമ്പോഴാണ് പ്രധാനമായും ആമാശയത്തിൽ ഇത്തരം പ്രശ്നങ്ങൾ ഉണ്ടാവുന്നത്. മലബന്ധം, വയറിളക്കം, ആസിഡ് റിഫ്ലക്സ്, ലാക്ടോസ് അസഹിഷ്ണുത, ഗ്യാസ് പ്രശ്നങ്ങൾ തുടങ്ങയവയാണ് സാധാരണ മിക്ക ആളുകളിലും കണ്ടുവരുന്ന പ്രധാന പ്രശ്നങ്ങൾ. ചില വീട്ടുവൈദ്യങ്ങളുടെ സഹായത്തോടെ ഇത്തരം ലക്ഷണങ്ങളെ എങ്ങനെ കൈകാര്യം ചെയ്യാമെന്നതിനെക്കുറിച്ച് അറിയാം.

1.മലബന്ധം

മലബന്ധത്തിനെതിരെ ലക്ഷണങ്ങൾ അടിക്കടി ബുദ്ധിമുട്ടിക്കുന്നുണ്ടെങ്കിൽ ഭക്ഷണശീലങ്ങളിൽ നാരുകൾ കൂടുതൽ അടങ്ങിയ ഭക്ഷണങ്ങൾ ഉൾപ്പെടുത്തേണ്ടതുണ്ട്. പയർവർഗ്ഗങ്ങൾ ധാന്യങ്ങൾ തുടങ്ങിയവ കഴിക്കുന്നത് ഇതിന് മികച്ചതാണ്. പച്ചിലക്കറികൾ, പപ്പായ തുടങ്ങിയവയും ഇതിനെതിരെ ഗുണം ചെയ്യും. അതുപോലെതന്നെ ദിവസത്തിൽ ഉടനീളം ധാരാളം വെള്ളവും മറ്റ് ദ്രാവകങ്ങളും കുടിക്കുന്നത് ശീലമാക്കുക.

രാവിലെ എഴുന്നേൽക്കുമ്പോൾ തന്നെ നാരങ്ങ വെള്ളം കുടിച്ചുകൊണ്ട് ആരംഭിക്കാം. പിന്നീട് ദിവസത്തിൽ ഉടനീടം പഴങ്ങളും പച്ചക്കറികളും അടങ്ങിയ സ്മൂത്തികൾ കഴിക്കുന്നത് ശീലമാക്കുക. പതിവായി ഒരു നിശ്ചിത ഉറക്കസമയം ഉണ്ടാക്കിയെടുക്കുകയും യോഗ, സ്ട്രെച്ചിംഗ് തുടങ്ങിയവ ഉൾക്കൊള്ളിച്ച ഒരു ജീവിതശൈലി നടപടിക്രമങ്ങളും ശീലമാക്കുക. സംസ്കരിച്ചതും, വറുത്തതും പൊരിച്ചതുമായതും, ഉയർന്ന പഞ്ചസാര അടങ്ങിയിട്ടുള്ളതുമായ ഭക്ഷ്യവസ്തുക്കൾ പരമാവധി ഒഴിവാക്കുക. ഇതെല്ലാം മലബന്ധം ഉണ്ടാകുന്ന ലക്ഷണങ്ങളെ ഒരു പരിധി വരെ അകറ്റി നിർത്താൻ സഹായിക്കുന്നു.

2.വയറിളക്കം

ദഹന പ്രക്രിയ കൃത്യമായി നടക്കാത്ത പക്ഷം വയറ്റിൽ എന്തെങ്കിലും തരത്തിൽ വൈറൽ അണുബാധകൾ ഏൽക്കേണ്ടി വരുമ്പോൾ വയറിളക്കം അഥവാ അതിസാരം ഉണ്ടാവുന്നു. ചില മരുന്നുകളുടെ ഉപയോഗവും ചില ഭക്ഷണങ്ങളോട് ഉള്ള അലർജിയും സംവേദനക്ഷമതയും മൂലവും ഇത് സംഭവിക്കാം. വയറിളക്ക ലക്ഷണങ്ങളെ പരിഹരിക്കണമെങ്കിൽ ശരീരത്തിന് ഫ്ലൂയിഡ് ബാലൻസ് നിലനിർത്തേണ്ടത് അത്യാവശ്യമാണ്. തേങ്ങാവെള്ളം ഇതിന് ഉത്തമമായതാണ്. അതല്ലെങ്കിൽ മോരുവെള്ളം, ഉപ്പിട്ട കഞ്ഞി, അല്ലെങ്കിൽ നാരങ്ങ – ഇഞ്ചിനീര് ഉപ്പ് ചേർത്ത പാനീയം എന്നിവ ഫലപ്രദമാണ്. ഇവ ശരീരത്തിലെ നഷ്ടപ്പെട്ട ദ്രാവക ബാലൻസ് പുന:സ്ഥാപിക്കാൻ സഹായിക്കുന്നു.

3.ലാക്ടോസ് അസഹിഷ്ണുത

പാലുത്പന്നങ്ങളിൽ നിറഞ്ഞിരിക്കുന്ന ലാക്ടോസ് ഘടകങ്ങൾ ചില വ്യക്തികളുടെ ആമാശയത്തിൽ പ്രശ്നങ്ങൾ സൃഷ്ടിച്ചേക്കുന്നതിന് കാരണമാകാറുണ്ട്. ലാക്ടോസിനോട് അസഹിഷ്ണുത ഉള്ള വ്യക്തികൾ സാധാരണയായി പാലുത്പനങ്ങൾ കഴിക്കുമ്പോൾ ഇത് വയറ്റിൽ പ്രശ്നങ്ങൾ സൃഷ്ടിക്കുന്നു. ചിലരുടെ ശരീരപ്രകൃതി അനുസരിച്ച് ലാക്ടോസ് എൻസൈമുകളെ ദഹിപ്പിക്കുന്നതിൽ പ്രശ്നങ്ങളുണ്ടാക്കുന്നു. ഇത് പലപ്പോഴും വയറിളക്കം വയറുവേദന തുടങ്ങിയ ലക്ഷണങ്ങളിലേക്ക് നയിക്കും. ലാക്ടോസ് അസഹിഷ്ണുത ഉള്ള ആളുകൾ കഴിവതും പാലുൽപ്പന്നങ്ങൾ ഒഴിവാക്കുന്നത് ഗുണം ചെയ്യും. ഇതിനു പകരമായി മറ്റ് ഇതര മാർഗങ്ങളായ ബദാം മിൽക്ക് അല്ലെങ്കിൽ തേങ്ങാപ്പാൽ തുടങ്ങിയവ ഉപയോഗിക്കാം.

4.ഗ്യാസ് പ്രശ്നങ്ങൾ

ഗ്യാസ് പ്രശ്നങ്ങൾ പലപ്പോഴും വയറ്റിൽ സംവേദനക്ഷമത, മലബന്ധം അല്ലെങ്കിൽ ദഹനക്കേട് എന്നിവയടക്കമുള്ള പ്രശ്നങ്ങളിലേക്കും കഠിനമായ വയറുവേദനയിലേക്കും നയിച്ചേക്കാൻ ഇടയുള്ള ഒന്നാണ്. ചില ഭക്ഷണങ്ങളുടെ ഉപയോഗം പലരിലും ഇത്തരം അസ്വസ്ഥതകൾ നൽകുന്നതിന് കാരണമാകാറുണ്ട്. നാരുകൾ കൂടുതലായി അടങ്ങിയിട്ടുള്ള ഭക്ഷ്യവസ്തുക്കൾ കഴിക്കുന്നതു വഴി ഈയൊരു പ്രശ്നത്തെ ഒരു പരിധി വരെ അകറ്റി നിർത്താനാകും. കഴിക്കുന്ന ഭക്ഷണങ്ങൾ ശരിയായ രീതിയിൽ ചവച്ചരച്ച് കഴിക്കുക, ആവശ്യത്തിന് വെള്ളം കുടിക്കുക തുടങ്ങിയ കാര്യങ്ങളെല്ലാം കൃത്യമായി ശീലിക്കുന്നതിലൂടെ ഇതിൻ്റെ പ്രശ്നങ്ങളെ ഒരു പരിധിവരെ നിയന്ത്രിച്ചു നിർത്താൻ കഴിയും. ഗ്യാസ് പ്രശ്നങ്ങൾ ഉണ്ടാവുമ്പോൾ മഞ്ഞൾ, ഇഞ്ചി പോലുള്ള ഔഷധ വിദ്യകൾ പരീക്ഷിക്കുന്നതും മികച്ച ഗുണങ്ങൾ നൽകും. കഴിച്ച ഭക്ഷണങ്ങൾ വേഗത്തിൽ ദഹിപ്പിക്കുന്നതിനും ആഗിരണം ചെയ്യുന്നതിനും ഇതിലെ ഗുണങ്ങൾ സഹായിക്കുന്നു.

5.ആസിഡ് റിഫ്ലക്സ്

നാം സാധാരണ കഴിക്കുന്ന ഭക്ഷണങ്ങളെ ദഹിക്കാൻ ആവശ്യമായ ആമാശയത്തിലെ ആസിഡിൻ്റെ അളവിൽ കുറവ് ഉണ്ടാകുമ്പോഴാണ് ആസിഡ് റിഫ്ലക്സ് പ്രശ്നങ്ങൾ ഉണ്ടാവുന്നത്. ശരീരത്തിലെ മഗ്നീഷ്യം പോഷകങ്ങളുടെ കുറവ്, ഭക്ഷണം വളരെ വേഗത്തിൽ കഴിക്കുന്നത് തുടങ്ങിയവയൊക്കെയാണ് ഇത് ഉണ്ടാവുന്നതിനു പിന്നിലെ കാരണളിൽ ചിലത്.

ആസിഡ് റിഫ്ലക്സ് പ്രശ്നങ്ങളെ കഴിവതും ഒഴിവാക്കി നിർത്താനായി സിട്രസ് ഭക്ഷണങ്ങൾ, മസാലകൾ തുടങ്ങിയവ ഉയർന്ന അളവിൽ അടങ്ങിയിരിക്കുന്ന ഭക്ഷ്യവസ്തുക്കൾ പരമാവധി ഒഴിവാക്കുക. ഓരോ തവണയും ഭക്ഷണം വായിലിട്ട് ചവച്ചരയ്ക്കുന്ന പ്രവൃത്തി കൂടുതൽ സമയം എടുത്ത് ശ്രദ്ധാപൂർവ്വം ചെയ്യുക. അതിരാവിലെ രാവിലെ കറ്റാർ വാഴ ജ്യൂസും കഴിക്കുന്നതും, ഭക്ഷണത്തിന് മുൻപായി കുറച്ച് പെരുംജീരകം, അല്ലെങ്കിൽ ജീരകവെള്ളം വെള്ളം കുടിക്കുന്നതും ആസിഡ് റിഫ്ലക്സ് പ്രശ്നങ്ങളെ കുറയ്ക്കാൻ സഹായിക്കുന്നു.

മുകളിൽ പറഞ്ഞ പ്രശ്നങ്ങൾ ഉണ്ടാകുമ്പോൾ, ഇതിനെ ചികിത്സിക്കാൻ ഓരോ തവണയും വൈദ്യസഹായം അന്വേഷിച്ചു പോകുന്നത് അല്പം ബുദ്ധിമുട്ടേറിയ കാര്യമാകും. അത്തരം സന്ദർഭങ്ങളിൽ മുകളിൽ പറഞ്ഞ പരിഹാര മാർഗങ്ങൾ സ്വീകരിക്കാവുന്നതാണ്. വീട്ടുവൈദ്യങ്ങളിലൂടെ രോഗമുക്തി ലഭിക്കുന്നില്ലെങ്കിൽ ഡോക്ടറിനെ കാണേണ്ടതാണ്.

Related posts