ശരീരത്തിന്റെ ആരോഗ്യത്തിന് അത്യാവശ്യമാണ് വൈറ്റമിനുകള്‍. വൈറ്റമിനുകളുടെ കുറവുകള്‍ പല രോഗാവസ്ഥയിലേയ്ക്കും ശരീരത്തെ തള്ളിയിടും. ഇത്തരത്തില്‍ ഒരു വൈറ്റമിനാണ് വൈറ്റമിന്‍ ബി12. ഇന്ന് ഡോക്ടര്‍മാര്‍ പൊതുവേ പരിശോധിയ്ക്കാന്‍ ആവശ്യപ്പെടുന്ന ഒന്നാണിത്. ഇത് പൊതുവേ നോണ്‍ വെജ് ഭക്ഷണത്തില്‍ നിന്നും ലഭിയ്ക്കുന്നവയാണ്. ഇതിനാല്‍ തന്നെ വെജ് ഭക്ഷണങ്ങള്‍ കഴിയ്ക്കുന്നവരില്‍ ഇതിന്റെ കുറവ് അനുഭവപ്പെടുന്നത് സാധാരണയാണ്. വൈറ്റമിന്‍ ബി 12 കുറവ് പല അവസ്ഥകളിലേയ്ക്കും ശരീരത്തെ എത്തിയ്ക്കും.
കുട്ടികളില്‍ പലപ്പോഴും പഠനത്തിന് ഏകാഗ്രതക്കുറവ് അനുഭവപ്പെടുന്നത് സാധാരണയാണ്. പഠിയ്ക്കാന്‍ ആഗ്രഹമെങ്കില്‍ പോലും പഠിയ്ക്കാന്‍ കഴിയാതെ വരുന്ന അവസ്ഥ. ഇതിന് വൈറ്റമിന്‍ ബി12ന്റെ കുറവ് ഒരു കാരണമായി വരുന്നു. ബുക്ക് തുറക്കുമ്പോഴേയ്ക്കും ക്ഷീണം വരുന്നു, ഉറക്കം വരുന്നു തുടങ്ങിയ പല പ്രശ്‌നങ്ങളുമുണ്ടാകും ഇതു പോലെ ഇതിന്റെ കുറവ് സന്ധി വേദനയും കാല്‍ കഴപ്പ് പോലുള്ള പ്രശ്‌നങ്ങളുമുണ്ടാക്കാം. ഇതുപോലെ കുട്ടികളില്‍ ഓര്‍മക്കുറവ്, ഏകാഗ്രതക്കുറവ് തുടങ്ങിയ പല പ്രശ്‌നങ്ങളും വൈറ്റമിന്‍ ബി12 കുറവുണ്ടാകും.
ചിലര്‍ക്ക് വല്ലാത്ത മരവിച്ചും പുകച്ചിലുമെല്ലാം കാലിനുണ്ടാകും. കാലിലെ ചെരിപ്പ് തെന്നിപ്പോയാല്‍ പോലും അറിയില്ല. ഇതും വൈറ്റമിന്‍ ബി 12 കുറവു കൊണ്ടുണ്ടാകാം. അതായത് ന്യൂറോ സംബന്ധമായ പ്രശ്‌നം. തലച്ചോറിന് വേണ്ട രീതിയില്‍ സന്ദേശങ്ങള്‍ നല്‍കാന്‍ കഴിയാതെ വരുന്നു. ഉദാഹരണത്തിന് തീയില്‍ കയ്യ് തൊട്ടാന്‍ നാം പൊതുവേ കയ്യു വലിയ്ക്കും. ഇതിന് കാരണം തലച്ചോറില്‍ നിന്നുണ്ടാകുന്ന സംവേദനം കൊണ്ടാണ്. വൈറ്റമിന്‍ ബി12 കുറഞ്ഞാല്‍ ഇത്തരം സംവേദനം കുറയും. ചിലര്‍ക്ക് വിശപ്പ് തീരെ കുറയും. ചിലര്‍ക്ക് സന്ധിവേദയും ക്ഷീണവുമെല്ലാമുണ്ടാകും.
പലര്‍ക്കുമുള്ള പ്രശ്‌നമാണ് ഹീമോഗ്ലോബിന്‍ കുറവ്. ഇതിനുള്ള ഒരു കാരണം കൂടിയാണ് വൈറ്റമിന്‍ ബി12ന്റെ കുറവ്. വൈറ്റമിന്‍ ബി12 ചുവന്ന രക്താണുക്കളുടെ ഉത്പാദനം മെച്ചപ്പെടുത്താൻ സഹായിക്കുന്നു. ഇത് ശരീരത്തെ വിളർച്ചയിൽ നിന്ന് തടയുകയും ശരീരത്തെ ഉന്മേഷത്തോടെ നിലനിർത്തുകയും ചെയ്യുന്നു.
ശരീരത്തിൽ വൈറ്റമിന്‍ ബി 12 ന്റെ അപര്യാപ്തത ഉണ്ടാവുന്നതിന്റെ ലക്ഷണങ്ങളിൽ ക്ഷീണം, പേശികളുടെ ബലഹീനത, ദഹന പ്രശ്നങ്ങൾ, വിളർച്ച എന്നിവ ഉൾപ്പെടുന്നു. അതുകൊണ്ട് തന്നെ ആവശ്യമായ അളവിൽ വൈറ്റമിന്‍ ബി 12 ശരീരത്തിൽ എത്തുന്നുണ്ട് എന്ന് ഉറപ്പാക്കേണ്ടതുണ്ട്. ഇത് സപ്ലിമെന്റുകളല്ലാതെ ഭക്ഷണത്തില്‍ നിന്ന് തന്നെ ലഭിക്കുന്നതാണ്.
നോണ്‍ വെജ് പൊതുവേ വൈറ്റമിന്‍ ബി 12 ന്റെ ഉറവിടത്താല്‍ സമ്പുഷ്ടമാണ്. സസ്യാഹാരികള്‍ക്ക് വൈറ്റമിന്‍ ബി 12ന് വേണ്ടി തേങ്ങാപ്പാല്‍, വെളിച്ചെണ്ണ, പാലുല്‍പന്നങ്ങള്‍, കൂണ്‍ എന്നിവയെ ആശ്രയിക്കാം. മുഴു ധാന്യങ്ങൾ വൈറ്റമിന്‍ ബി 12 കൊണ്ട് സമ്പന്നമാണ്. ശരീരത്തിന്റെ വൈറ്റമിന്‍ ബി 12 ആവശ്യകത നിലനിർത്തുന്നതിന് ഈ ധാന്യങ്ങൾ ഭക്ഷണത്തിൽ ഉൾപ്പെടുത്താം.സോയ, ബദാം പാൽടങ്ങിയ പാലും ഈ വിറ്റാമിന്റെ നല്ല ഉറവിടങ്ങളാണ്.വിറ്റാമിൻ ബി 12 ന്റെ രുചികരമായ ഉറവിടമാണ് മുട്ടകൾ, ഇത് വിവിധ രൂപങ്ങളിൽ ദിവസവും കഴിക്കാം. ചെമ്മീനിൽ വൈറ്റമിന്‍ ബി 12, പോഷക കോളിൻ എന്നിവയും അടങ്ങിയിട്ടുണ്ട്. ഒമേഗ 3 ഫാറ്റി ആസിഡുകളും വൈറ്റമിന്‍ ബി 12 ഉം ഏറ്റവും കൂടുതൽ അടങ്ങിയിരിക്കുന്ന ഒരു ഭക്ഷണമാണ് ചെമ്പല്ലി മീൻ. വൈറ്റമിന്‍ ബി 12 നിറഞ്ഞ മറ്റൊരു മത്സ്യമാണ് മത്തി. ചിക്കന്‍ പോലുള്ളവയിലും വൈറ്റമിന്‍ ബി 12 അടങ്ങിയിട്ടുണ്ട്.
മുകളിൽ പറഞ്ഞ കാരണങ്ങളെല്ലാം കൊണ്ട് തന്നെ, മറ്റെല്ലാ വൈറ്റമിനുകൾ പോലെ തന്നെയും വൈറ്റമിൻ ബി12 ശരീരത്തിന് വളരെ അത്യാവശ്യമാണ്.
