Nammude Arogyam
Healthy Foods

ഈന്തപ്പഴം അഥവാ ഡേറ്റ്‌സിന്റെ ആരോഗ്യ ഗുണങ്ങൾ

ആരോഗ്യത്തിന് സഹായിക്കുന്നതില്‍ ഡ്രൈ നട്‌സ്, ഡ്രൈ ഫ്രൂട്‌സ് എന്നിവ ഏറെ പ്രധാനമാണ്. ഇവയില്‍ നാരുകളും ആരോഗ്യകരമായ കൊഴുപ്പുകളുമുണ്ട്. ഇത്തരം ഡ്രൈ ഫ്രൂട്‌സില്‍ പ്രധാനപ്പെട്ടതാണ് ഈന്തപ്പഴം അഥവാ ഡേറ്റ്‌സ്. സ്വാഭാവിക മധുരമുള്ള ഈ പഴം മിതമായ തോതില്‍ പ്രമേഹ രോഗികള്‍ക്ക് വരെ കഴിയ്ക്കാനാകുമെന്നതാണ് ഗുണം. ദിവസവും രണ്ടു മൂന്ന് ഈന്തപ്പഴം നമ്മുടെ ഡയറ്റില്‍ ഉള്‍പ്പെടുത്തുന്നത് നല്‍കുന്ന ഗുണങ്ങള്‍ പലതാണ്.

തടി കുറയ്ക്കാന്‍ ശ്രമിയ്ക്കുന്നവര്‍ക്ക് പല തരത്തിലും ആശ്രയിക്കാവുന്ന ഒന്നാണിത്. ഇതിലെ നാരുകള്‍ ഏറെ ഗുണകരമാണ്. കൊഴുപ്പ് കുറവ്. ഭക്ഷണ ശേഷം പലര്‍ക്കും മധുരം കഴിയ്ക്കുന്ന ശീലമുണ്ട്. ഇത്തരക്കാര്‍ക്ക് കഴിയ്ക്കാവുന്ന സ്വാഭാവിക മധുരമാണ് ഇത്. ഇത് കഴിച്ചാല്‍ വയര്‍ പെട്ടെന്ന് നിറഞ്ഞ തോന്നലുണ്ടാകും. ഭക്ഷണം കഴിച്ച സംതൃപ്തി തോന്നിപ്പിയ്ക്കും. ഇത് കൂടുതല്‍ ഭക്ഷണം കഴിയ്ക്കാതിരിയ്ക്കാന്‍ സഹായിക്കും. ശരീരത്തിലെ അപചയ പ്രക്രിയ ശക്തിപ്പെടുത്തുന്നതും തടി കുറയ്ക്കാന്‍ സഹായിക്കുന്ന ഘടകമാണ്.

ഈന്തപ്പഴം കഴിയ്ക്കുന്നത് അയേണ്‍ ഗുണങ്ങള്‍ ഒത്തിണങ്ങിയ ഒന്നാണ്. വിളര്‍ച്ചയ്ക്കുള്ള നല്ലൊരു മരുന്നാണിത്. അനീമിയ പ്രശ്‌നങ്ങളുള്ളവര്‍ ഇതു കഴിയ്ക്കുന്നതു നല്ലതാണ്. ഹീമോഗ്ലോബിന്‍ തോതു വര്‍ദ്ധിപ്പിയ്ക്കാന്‍ ഇത് ഏറെ നല്ലതാണ്. കോള്‍ഡ്, അലര്‍ജി പ്രശ്‌നങ്ങള്‍ ഉള്ളവര്‍ ദിവസവും ഈന്തപ്പഴം കഴിയ്ക്കുന്നത് ഇത്തരം രോഗാവസ്ഥകള്‍ തടഞ്ഞു നിര്‍ത്താനുള്ള രോഗപ്രതിരോധ ശേഷി നല്‍കും.

ചര്‍മത്തിനും മുടിയ്ക്കുമെല്ലാം ഒരു പോലെ സഹായകരമാണ് ഈന്തപ്പഴം. ആന്റി ഓക്‌സിഡന്റുകള്‍ ചര്‍മത്തിന് ഏറെ നല്ലതാണ്. ഇതിലെ വൈറ്റമിന്‍ സി, ഡി എന്നിവ ചര്‍മത്തിന് ഇലാസ്റ്റിസിറ്റി നല്‍കാന്‍ ഏറെ നല്ലതാണ്. ഈന്തപ്പഴത്തിലെ ഫൈറ്റോ ഹോര്‍മോണുകള്‍ മുഖത്ത് ചുളിവുകള്‍ വീഴുന്നതു തടയുന്നു. കൂടാതെ ചര്‍മത്തിനു പ്രായക്കുറവു തോന്നിപ്പിയ്ക്കുന്നു. ചര്‍മത്തിന് ചെറുപ്പം നല്‍കാന്‍ ഏറെ ഗുണകരമാണ് ഇത്. ചര്‍മത്തില്‍ മെലാനില്‍ അടിഞ്ഞു കൂടാതെ സൂക്ഷിയ്ക്കുന്നതിനാല്‍ ഇത് ചര്‍മ നിറം വര്‍ദ്ധിപ്പിയ്ക്കാനും സഹായിക്കുന്നു. ചര്‍മത്തിലെ ചുളിവുകള്‍ നീക്കാന്‍ ഏറെ നല്ലതാണ് ഈന്തപ്പഴം.

ഹൃദയത്തിന് ഗുണകരമാണ് ഈന്തപ്പഴം. കൂടാതെ കൊളസ്‌ട്രോള്‍, പ്രമേഹം എന്നിവയെ നിയന്ത്രിയ്ക്കുന്നതിനും നല്ലതാണ്. ആന്റി ഓക്‌സിഡന്റുകളും നല്ല കൊളസ്‌ട്രോളുമെല്ലാം തന്നെ ഹൃദയത്തെ സംരക്ഷിക്കുന്നു. സ്വാഭാവിക മധുരമായതിനാല്‍ തന്നെ പ്രമേഹത്തിനും മിതമായ തോതില്‍ ഇതു കഴിച്ചാല്‍ ദോഷം വരുന്നുമില്ല. രക്തക്കുഴലുകളില്‍ അടിഞ്ഞു കൂടിയിരിയ്ക്കുന്ന കൊളസ്‌ട്രോള്‍ നീക്കി ഹൃദയത്തിന്റെ സുഗമമായ പ്രവര്‍ത്തനത്തെ സഹായിക്കുന്ന ഒന്നാണിത്. അതിനാൽ കാര്‍ഡിയോ സംബന്ധമായ അസുഖങ്ങള്‍ക്കുള്ള നല്ലൊരു പരിഹാരമാണ് ഈന്തപ്പഴം.

ശരീരത്തിന് ഊര്‍ജം നല്‍കുന്ന ഒന്നാണ് ഈന്തപ്പഴം. ഇതിനാല്‍ തന്നെ ദിവസം മുതല്‍ ഊര്‍ജസ്വലരായി ഇരിയ്ക്കാന്‍ ഇതേറെ ഗുണം നല്‍കും. ദിവസം മുഴുവന്‍ ശരീരത്തിന് എനര്‍ജിയും ലഭിയ്ക്കും. ബ്രെയിന്‍ ആരോഗ്യത്തിനും ഇതേറെ ഉത്തമമാണ്. ഇതിനാല്‍ തന്നെ പഠിയ്ക്കുന്ന കുട്ടികള്‍ക്ക് ഏറെ ഗുണം നല്‍കുന്ന ഒന്നുമാണ്. എല്ലുകളുടെ ആരോഗ്യത്തിന് സഹായിക്കുന്ന കാല്‍സ്യം പോലുള്ള ഘടകങ്ങളും ഇതില്‍ ധാരാളം അടങ്ങിയിട്ടുണ്ട്. ഓസ്റ്റിയോപെറോസിസ് പോലുള്ള പ്രശ്‌നങ്ങള്‍ തടയാനും ഇതേറെ നല്ലതാണ്.

മുകളിൽ പറഞ്ഞ ഗുണങ്ങൾ എല്ലാം ഈന്തപ്പഴത്തിൽ അടങ്ങിയിട്ടുള്ളതിനാൽ തന്നെ ദിവസവും ഇവ ഭക്ഷണത്തിൽ ഉൾപ്പെടുത്തുന്നത് എന്ത്കൊണ്ടും നല്ലതാണ്.

Related posts