Nammude Arogyam
emergency contraceptive General Health & Wellness Lifestyle pills Woman

I-pill ടാബ്ലെറ്റ് തുടർച്ചയായി ഉപയോഗിക്കാമോ?

ഗര്‍ഭനിരോധനോപാധികള്‍ ധാരാളമുണ്ട്. ഇതില്‍ കോണ്ടംസ് മുതല്‍ പില്‍സ്, ഇന്‍ട്രായൂട്രൈന്‍ ഉപകരണങ്ങള്‍. ഹോര്‍മോണ്‍ ഇന്‍ഞ്ചെക്ഷനുകള്‍ തുടങ്ങിയവയെല്ലാം തന്നെ പെടുന്നു. സ്ത്രീകള്‍ പൊതുവേ ഉപയോഗിയ്ക്കുന്ന ഗര്‍ഭനിരോധനോപാധികളാണ് ഗുളികകള്‍. ഹോര്‍മോണ്‍ വഴിയാണ് ഗുളികകള്‍ ഗര്‍ഭനിരോധനം സാധ്യമാക്കുന്നത്. ഗര്‍ഭനിരോധന ഗുളികകള്‍ രണ്ടു തരമുണ്ട്. ദിവസവും കഴിയ്‌ക്കേണ്ടവ, ഇതല്ലാതെ ഐ പില്‍ പോലുളളവ.

അടിയന്തിര ഗര്‍ഭ നിരോധനോപാധിയാണ് ഐ പില്‍സ്. മോര്‍ണിംഗ് ആഫ്റ്റര്‍ പില്‍സ് എന്നും ഐ പില്‍ അറിയപ്പെടുന്നുണ്ട്. ഗര്‍ഭധാരണം തടയാന്‍ മുന്‍കൂട്ടി വഴികള്‍ സ്വീകരിയ്ക്കാതെ നടന്ന സെക്‌സിലൂടെയുള്ള ഗര്‍ഭധാരണം തടയുന്ന വഴി. സെക്‌സിനു ശേഷം നിശ്ചിത സമയത്തിനുള്ളില്‍ ഈ പില്‍സ് കഴിച്ചാല്‍ ഗര്‍ഭധാരണം ഒഴിവാക്കാം. ഐ പില്‍സ് കഴിയ്ക്കുമ്പോഴും പല കാര്യങ്ങളും ശ്രദ്ധിയ്ക്കുക. ഇതു കഴിയ്‌ക്കേണ്ട രീതിയുണ്ട്, ഒഴിവാക്കേണ്ട സന്ദര്‍ഭങ്ങളുമുണ്ട്. ഇത്തരം ചില കാര്യങ്ങളെക്കുറിച്ചറിയൂ.

ഇത് അടിക്കടി ഉപയോഗിയ്ക്കരുതെന്നത് ഏറെ പ്രധാനം. അത്യാവശ്യ ഘട്ടങ്ങളില്‍ മാത്രം ഇത് ഉപയോഗിയ്ക്കുക. കാരണം ഡോസ് കൂടിയവയാണ്, ഹോര്‍മോണ്‍ കൂടിയവയാണ് ഇവ. ഇതു കൊണ്ടു തന്നെ അടിക്കടിയുളള ഉപയോഗം പല പാര്‍ശ്വ ഫലങ്ങളും വരുത്തി വയ്ക്കും. ഇതിന്റെ അടിയന്തിര ഗര്‍ഭനിരോധനോപാധിയായി മാത്രം കാണുക,അല്ലാതെ ഗര്‍ഭനിരോധനോപാധിയായല്ല. ഇതു നൂറു ശതമാനം ഫലം ഉറപ്പു നല്‍കുന്നുമില്ല.

ബന്ധപ്പെട്ട ശേഷം 72 മണിക്കൂറിനുള്ളില്‍ ഇതു കഴിച്ചിരിയ്ക്കണം. നേരത്തേ കഴിച്ചാല്‍ ഫലപ്രാപ്തി കൂടും. 72 മണിക്കൂര്‍ ശേഷം കഴിച്ചാല്‍ കാര്യമുണ്ടാകില്ല. കഴിച്ച ശേഷം ഛര്‍ദി വഴിയോ മറ്റോ ഇതു പുറത്തു പോയാല്‍ വീണ്ടും കഴിയ്ക്കണം. പ്രത്യേകിച്ചും 2 മണിക്കൂറിനുള്ളില്‍ ഛര്‍ദിച്ചാല്‍. അല്ലെങ്കില്‍ ഫലപ്രാപ്തിയുണ്ടാകില്ല. ഇതു പോലെ ഒരു ഐ പില്‍ കഴിച്ച ശേഷം 32 മണിക്കൂര്‍ ശേഷം വീണ്ടും സെക്‌സെങ്കില്‍ ഫലപ്രാപ്തിയുണ്ടാകില്ല. ഇതു വരെയേ ഈ പില്‍സിന് ആയുസുളളൂ.അതായത് ഒരു വെടിയ്ക്കു രണ്ടു പക്ഷി എന്ന ചിന്ത നടക്കില്ലെന്നര്‍ത്ഥം.

സ്ത്രീകളിലെ ഹോര്‍മോണുകളെ നിയന്ത്രണത്തിലാക്കി അണ്ഡവിസര്‍ജനം തടയുകയോ വൈകിപ്പിയ്ക്കുകയോ ആണ് ഇതു ചെയ്യുന്നത്. വൈകിപ്പിച്ചാണ് ഇതു സാധ്യമാക്കുന്നതെങ്കില്‍ അണ്ഡവിസര്‍ജനം നടക്കുമ്പോള്‍ പുരുഷ ബീജം സ്ത്രീ ശരീരത്തിണ്ടെങ്കില്‍ ഗര്‍ഭധാരണം നടക്കാം. അതായത് ഇതിന്റെ ഇഫക്ട് കഴിഞ്ഞ ശേഷവും ബീജം സ്ത്രീ ശരീരത്തില്‍ ജീവനോടെയെങ്കില്‍ ഗര്‍ഭധാരണ സാധ്യതയുണ്ടെന്നര്‍ത്ഥം. ഇതു പോലെ ഗര്‍ഭധാരണം നടന്നുവെങ്കില്‍, അതായത് ബീജാണ്ഡ സംയോഗം നടന്ന് ഈ ഭ്രൂണം ഗര്‍ഭാശയ ഭിത്തിയില്‍ പറ്റിപ്പിടിച്ചു വളരുവാന്‍ തുടങ്ങിയെങ്കില്‍ ഈ പില്‍സ് ഫലവത്താകില്ല. ഇത് അബോര്‍ഷന്‍ ഗുളികയല്ല എന്നുകൂടി അറിഞ്ഞിരിയ്ക്കുക.

25-45 വയസു വരെയുള്ള സ്ത്രീകള്‍ക്കാണ് ഇത് ഉപയോഗപ്രദം. ടീനേജ് പ്രായത്തിലുള്ളവര്‍ ഉപയോഗിയ്ക്കരുത്. ഇതു പോലെ തുടര്‍ച്ചായി എന്തെങ്കിലും മരുന്നുകള്‍ ഉപയോഗിയ്ക്കുന്നവരും ഡോക്ടറുടെ നിര്‍ദേശം തേടുക. മുലയൂട്ടുന്നവര്‍ക്ക് ഇതുപയോഗിയ്ക്കാം. ദോഷമോ മുലപ്പാല്‍ കുറയുക പോലുള്ള പ്രശ്‌നങ്ങളോ ഉണ്ടാകുന്നില്ല. ചിലരിലിത് സെക്‌സ് താല്‍പര്യം കുറയ്ക്കും, സ്‌കിന്‍ അലര്‍ജിയുണ്ടാകും. മനം പിരട്ടല്‍ പോലുള്ള അവസ്ഥകളുമുണ്ടാകാം. ചിലരില്‍ തലവേദനയും വയറുവേദനയുമുണ്ടാകാം.

ഈ ഗുളിക അടിക്കടി ഉപയോഗിച്ചാല്‍ ഓവറി തകരാറുകളും ആര്‍ത്തവ സംബന്ധമായ പ്രശ്‌നങ്ങളുമുണ്ടാകും. സാധാരണ ഗതിയില്‍ ഇതുപയോഗിച്ചാല്‍ അടുത്ത ആര്‍ത്തവം അല്‍പം വൈകുന്നത് സാധാരണയാണ്. ആര്‍ത്തവത്തിന് മുന്‍പായി ചെറിയ സ്‌പോട്ടിംഗ് പോലെയുമുണ്ടാകാം. ഇതു ഭയക്കേണ്ടതില്ല. ഇവ ലൈംഗിക രോഗങ്ങളില്‍ നിന്നും മോചനവും നല്‍കുന്നില്ല.

ഇതു പോലെ ക്യാന്‍സര്‍, ഹൃദയ പ്രശ്‌നങ്ങള്‍, ബിപി പോലുളള അവസ്ഥകളെങ്കില്‍ ഇത്തരം പില്‍സ് ഒഴിവാക്കുന്നതാണ് നല്ലത്. ഏറെ ശക്തിയുള്ള ഹോര്‍മോണ്‍ ഗുളികകളാണിവ

Related posts