വിവിധ തരം മെമ്മറി സ്റ്റോറേജ് ഉപകരണങ്ങൾ നമ്മുടെ പക്കലുണ്ടെങ്കിലും, ഓർമ്മകൾ ശേഖരിക്കുവാനുള്ള ഏറ്റവും മികച്ച മെമ്മറി ഉപകരണം മനുഷ്യ മസ്തിഷ്കമാണെന്ന്. മനുഷ്യ മസ്തിഷ്കം അവിശ്വസനീയമാണ്. ശാസ്ത്രം അനുസരിച്ച്, തലച്ചോറിന് സജീവമായി കുറച്ച് ജിഗാബൈറ്റ് സംഭരണ ഇടം മാത്രമേ ഉണ്ടാകൂ. എന്നിരുന്നാലും, ന്യൂറോണുകൾ സംയോജിപ്പിച്ച് ഓരോ ന്യൂറോണും ഒരേസമയം നിരവധി ഓർമ്മകളെ ഓർത്തെടുക്കുവാൻ സഹായിക്കുന്നു. ഇത് തലച്ചോറിന്റെ മെമ്മറി സംഭരണ ശേഷി 2.5 പെറ്റബൈറ്റ് അല്ലെങ്കിൽ ഒരു ദശലക്ഷം ജിഗാബൈറ്റിലേക്ക് ഗണ്യമായി വർദ്ധിപ്പിക്കുന്നു.
വിസ്മൃതി അഥവാ മറവി മസ്തിഷ്കത്തിന്റെ ഒരു സാധാരണ സവിശേഷതയാണ്. എന്തെങ്കിലും കാര്യങ്ങൾ മറന്നതിന്റെ മൊത്തം എണ്ണം എത്രയെന്ന് പറയാൻ ആർക്കും കഴിയില്ല. കാരണം, തീർച്ചയായും നമ്മിൽ ഓരോരുത്തരും ഓരോ കാര്യങ്ങൾ പലപ്പോഴായി മറന്നിട്ടുണ്ടാകാം. അതിനാൽ, മറവിയുടെ കാരണങ്ങൾ തിരിച്ചറിയേണ്ടത് പ്രധാനമാണ്.
ഒരു ആരോഗ്യസ്ഥിതിയെന്ന നിലയിൽ മറവി എന്നത് നിരന്തരം കാര്യങ്ങൾ ഓർമ്മിച്ചെടുക്കുന്നതിൽ നമുക്ക് പരാജയം നേരിടുന്ന ഒരു അവസ്ഥയാണ്. ഒരാൾ മറവിയുടെ പ്രശ്നം അനുഭവിക്കുമ്പോൾ, വിവരങ്ങൾ, സംഭവങ്ങൾ എന്നിവ ഓർത്തെടുക്കുവാനും പുതിയ കാര്യങ്ങൾ പഠിക്കുന്നതിലും അവർക്ക് ബുദ്ധിമുട്ട് നേരിടുന്നു. ഇടയ്ക്കിടെ കാര്യങ്ങൾ മറക്കുന്നത് സാധാരണമാണോയെന്നും അതിന്റെ പിന്നിലെ കാരണങ്ങൾ എന്താണെന്നും അറിയാം.
മറവി എന്നത് കാലാകാലങ്ങളിൽ സാധാരണമാണ്. നാം എന്തെങ്കിലും സംഭവങ്ങൾ അല്ലെങ്കിൽ കാര്യങ്ങൾ ചിലപ്പോൾ മറക്കാനുള്ള പ്രവണത കാണിക്കുന്നു. മറവി പലപ്പോഴും പ്രായം കൂടുന്നതിന്റെ ലക്ഷണമാണ്, പക്ഷേ പ്രായത്തിന് ഇതുമായി ഗുരുതരമായ ഒരു ബന്ധമൊന്നും ഇല്ല. അങ്ങേയറ്റത്തെ മറവി അല്ലെങ്കിൽ ഓർമ്മശക്തി നഷ്ടപ്പെടുന്നത് ഗുരുതരമായ രോഗാവസ്ഥയുടെ അടയാളമാണ്.
നിരന്തരമായ മറവിക്കുള്ള പ്രധാന കാരണങ്ങൾ
1.അൽഷിമേഴ്സ് രോഗം-മറവിയുടെ ഏറ്റവും സാധാരണമായ കാരണങ്ങളിലൊന്നാണ് അൽഷിമേഴ്സ് രോഗം. ഓർമ്മശക്തിയും മറ്റ് മസ്തിഷ്ക പ്രവർത്തനങ്ങളും നശിപ്പിക്കുന്ന ഒരു ഗുരുതരമായ രോഗമാണിത്.
2.ആർത്തവവിരാമം-ആർത്തവ വിരാമം മറവിയുമായി ബന്ധപ്പെട്ടിരിക്കുന്നു എന്ന് അടുത്തിടെ വിദഗ്ദ്ധർ വ്യക്തമാക്കുകയുണ്ടായി. സ്ത്രീകൾ ആർത്തവവിരാമത്തിന്റെ ഘട്ടത്തിലായിരിക്കുമ്പോൾ ചില കാര്യങ്ങൾ മറക്കുക എന്നത് ഒരു സാധാരണ ലക്ഷണമാണ്. ആർത്തവ വിരാമത്തിനിടയിലെ മറവിക്ക് പ്രായവുമായിട്ടും ബന്ധമുണ്ടാകാം.
3.മാനസികാരോഗ്യ വൈകല്യങ്ങൾ-സമ്മർദ്ദം, വിഷാദം അല്ലെങ്കിൽ ഉത്കണ്ഠ എന്നിവയാൽ ഉണ്ടാകുന്ന മോശം മാനസികാരോഗ്യം മറവിക്ക് കാരണമാകും. ഇത് മൂലം ആളുകൾ‌ക്ക് അവരുടെ ചിന്തകൾ നഷ്‌ടപ്പെടുന്ന പ്രവണതയുണ്ട്. ഇതിനാൽ, അവർക്ക് സംഭവങ്ങൾ ഓർ‌ക്കാൻ കഴിയില്ല
4.ഹൈപ്പോതൈറോയിഡിസം-തൈറോയ്ഡ് അസന്തുലിതാവസ്ഥ, പ്രത്യേകിച്ച് പ്രവർത്തനരഹിതമായ തൈറോയ്ഡ് ഓർമ്മശക്തിക്ക് തടസ്സമുണ്ടാക്കും. തൈറോയ്ഡ് തുടക്കത്തിൽ കൈകാര്യം ചെയ്യാൻ കഴിയും, എന്നാൽ അസന്തുലിതാവസ്ഥയുടെ പ്രശ്നം ഫലപ്രദമായി കൈകാര്യം ചെയ്യാനായി സ്ഥിരമായ മരുന്നുകൾ ആവശ്യമായി വന്നേക്കാം.
5.മരുന്നുകൾ അല്ലെങ്കിൽ മദ്യം-ചില മരുന്നുകൾ ഓർമ്മയ്ക്ക് തടസ്സമുണ്ടാക്കും. ഏതെങ്കിലും മരുന്നുകളുടെ ഉപയോഗം കാരണം ഓർമ്മക്കുറവിന്റെ പ്രശ്നങ്ങൾ അനുഭവപ്പെടുകയാണെങ്കിൽ, ഉടനടി ഡോക്ടറുമായി ബന്ധപ്പെടണം. മദ്യത്തിന്റെ ഉപയോഗവും ഓർമ്മശക്തിക്ക് തടസ്സമാകും. മദ്യം തലച്ചോറിനെയും കേന്ദ്ര നാഡീവ്യവസ്ഥയെയും ബാധിക്കുന്നു, മദ്യത്തിന്റെ സ്വാധീനത്തിൽ അനുഭവിച്ചതോ നേരിട്ടിട്ടുള്ളതോ ആയിട്ടുള്ള സംഭവങ്ങളുടെ ഓർമ്മ അവ്യക്തമാക്കുന്നു.
മുകളിൽ പറഞ്ഞവയെല്ലാം തന്നെ മറവിയെക്കുറിച്ചുള്ള പൊതു കാര്യങ്ങൾ മാത്രമാണ് . ഇതിനെക്കുറിച്ച് കൂടുതൽ മനസ്സിലാക്കാൻ ഒരു ഡോക്ടറുടെ സഹായം തേടുന്നതാണ് നല്ലത്.
