മനുഷ്യശരീരത്തിൽ കാൽസ്യത്തിന്റെ എത്രത്തോളം പ്രാധാന്യമുണ്ടെന്ന് പറയേണ്ടതില്ലല്ലോ. നമ്മുടെ ശരീരത്തിലെ ഓരോ ചെറിയ കോശം പോലും കാൽസ്യത്തെ വിവിധ രീതിയിൽ ഉപയോഗിക്കുന്നുണ്ട് എന്നതാണ് വാസ്തവം. കാൽസ്യത്തിന്റെ അഭാവം പല ആരോഗ്യ പ്രശ്നങ്ങളും സൃഷ്ടിക്കും. രക്തത്തിലെ കാൽസ്യത്തിന്റെ അളവ് കുറയുമ്പോൾ ഉണ്ടാവുന്ന അവസ്ഥ ഹൈപ്പോകാൽസെമിയ എന്ന് അറിയപ്പെടുന്നു. കാൽസ്യം കുറവ് അപകടകരമല്ലെങ്കിലും ദീർഘകാലം ഉണ്ടാവുന്ന കാത്സ്യത്തിന്റെ കുറവ് ദന്ത ക്ഷതം, തിമിരം, തലച്ചോറിലെ മാറ്റങ്ങൾ, ഓസ്റ്റിയോപൊറോസിസ് അഥവാ അസ്ഥിക്ഷയം, കൂടുതൽ ഗുരുതരമായ സങ്കീർണതകൾ എന്നിവയ്ക്ക് കാരണമാകും.
ഈ അവസ്ഥ വളരെക്കാലം ചികിത്സിച്ചില്ലെങ്കിൽ, അത് ജീവന് തന്നെ ഭീഷണിയാകും. കാൽസ്യം കുറവിന് ആദ്യകാല ലക്ഷണങ്ങളില്ല, അതിനാൽ തുടക്കത്തിൽ തന്നെ ഇത് ശ്രദ്ധയിൽപ്പെടില്ല. കാൽസ്യത്തിന്റെ കുറവ് നിങ്ങൾക്ക് ദോഷകരമാണ്, മാത്രമല്ല ഇത് ആരോഗ്യ പ്രശ്‌നങ്ങളിലേക്ക് നയിക്കുകയും ചെയ്യും. ചുവടെയുള്ള ഏതെങ്കിലും ലക്ഷണങ്ങൾ അനുഭവപ്പെടുകയാണെങ്കിൽ ഒരു വ്യക്തി ഉടനടി രോഗനിർണയം നടത്തണം.
കാൽസ്യം കുറവുള്ളതിന്റെ സാധാരണ ലക്ഷണങ്ങൾ
1.പേശിവേദന, ഞരമ്പുവേദന, കോച്ചിപ്പിടുത്തം
2.കൈ, പാദങ്ങൾ, കാലുകൾ, വായയ്ക്ക് ചുറ്റുമുള്ള ഭാഗങ്ങൾ എന്നിവിടങ്ങളിൽ മരവിപ്പ്
3.കടുത്ത ക്ഷീണം, അലസത, ഊർജ്ജക്കുറവ്
4.വേദനാജനകമായ പ്രീമെൻസ്ട്രൽ സിൻഡ്രോം (പിഎംഎസ്)
കാൽസ്യത്തിന്റെ കുറവ് മൂലമുണ്ടാകുന്ന ആരോഗ്യ പ്രശ്നങ്ങൾ
1.ഓസ്റ്റിയോപൊറോസിസ് (അഥവാ അസ്ഥിക്ഷയം)
ഓസ്റ്റിയോപീനിയ അസ്ഥികളുടെ ധാതുക്കളുടെ സാന്ദ്രത കുറയ്ക്കുന്നു, ഇത് അസ്ഥിക്ഷയം അഥവാ ഓസ്റ്റിയോപൊറോസിസിന് കാരണമാകും. ഓസ്റ്റിയോപൊറോസിസ് അസ്ഥികളെ നേർത്തതാക്കുകയും ഒടിവുകൾക്ക് കൂടുതൽ സാധ്യതയുള്ളതുമാക്കി മാറ്റുന്നു. ഇത് വേദന, ശരീരഭാവത്തിന്റെ പ്രശ്നങ്ങൾ, വൈകല്യങ്ങൾ എന്നിവയ്ക്കും കാരണമാകും.
ഓസ്റ്റിയോപൊറോസിസിനെ അപേക്ഷിച്ച് ഓസ്റ്റിയോപീനിയ അത്ര ഗുരുതരം അല്ല. പക്ഷേ രണ്ട് അവസ്ഥകളും അസ്ഥികളുടെ സാന്ദ്രത കുറയാനും ഒടിവുകൾ ഉണ്ടാകാനുള്ള സാധ്യത വർദ്ധിപ്പിക്കാനും ഇടയാക്കും.
നമ്മുടെ അസ്ഥികൾ കാൽസ്യം സംഭരിക്കുന്നു, മാത്രമല്ല ശക്തമായി തുടരാൻ ഉയർന്ന തോതിൽ കാൽസ്യം ആവശ്യവുമാണ്. മൊത്തത്തിലുള്ള കാൽസ്യത്തിന്റെ അളവ് കുറയുമ്പോൾ, ശരീരം അസ്ഥികളിൽ നിന്ന് കാൽസ്യം വഴിതിരിച്ചുവിടുകയും അവയ്ക്ക് പരിക്കേൽക്കുവാനുള്ള സാധ്യത വർദ്ധിപ്പിക്കുകയും ചെയ്യുന്നു.
വൻകുടൽ കാൻസറിനുള്ള സാധ്യത വർദ്ധിപ്പിക്കുന്നു
ശരീരത്തിൽ കുറഞ്ഞ അളവിൽ കാൽസ്യം ഉണ്ടാകുന്നത് വൻകുടൽ കാൻസറിനുള്ള സാധ്യത വർദ്ധിപ്പിക്കുമെന്ന് ഗവേഷകർ തെളിയിച്ചിട്ടുണ്ട്. ശരീരത്തിൽ മതിയായ അളവിൽ കാൽസ്യം ഉള്ള ആളുകൾക്ക് വൻകുടൽ കാൻസറുമായി ബന്ധപ്പെട്ട അഡെനോമ ട്യൂമർ വരാനുള്ള സാധ്യത കുറവാണെന്ന് പഠനങ്ങൾ കണ്ടെത്തിയിട്ടുണ്ട്. കാൽസ്യത്തിന്റെ കുറവ് മൂലമുണ്ടാകുന്ന ട്യൂമർ വളരുമ്പോൾ ക്യാൻസറായി മാറുന്നു.
ഹൃദ്രോഗ സാധ്യത
ശരീരത്തിലെ അപര്യാപ്തമായ കാൽസ്യത്തിന്റെ അളവ് ഒരാളുടെ ഹൃദ്രോഗ സാധ്യത വർദ്ധിപ്പിക്കുന്നു. നാഷണൽ ഇൻസ്റ്റിറ്റ്യൂട്ട് ഓഫ് ഹെൽത്തിൽ പ്രസിദ്ധീകരിച്ച ഒരു പഠനമനുസരിച്ച് ശരീരത്തിലെ സാധാരണ അളവിൽ ഉള്ള കാൽസ്യം ഹൃദ്രോഗത്തിനുള്ള സാധ്യത കുറയ്ക്കുന്നു. അതിനാൽ, നിങ്ങളുടെ ഹൃദയം ആരോഗ്യകരമായി നിലനിർത്താൻ, കാൽസ്യം അടങ്ങിയ ഭക്ഷണം കഴിക്കാൻ മറക്കരുത്.
രക്തസമ്മർദ്ദം വർദ്ധിപ്പിക്കുന്നു
കാൽസ്യത്തിന്റെ കുറവ് രക്താതിമർദ്ദം അഥവാ ഹൈപ്പർടെൻഷൻ എന്നും വിളിക്കപ്പെടുന്ന ഉയർന്ന രക്തസമ്മർദ്ദത്തിലേക്ക് നയിക്കുന്നു. ഉയർന്ന രക്ത സമ്മർദ്ദം മറ്റ് പല ആരോഗ്യ പ്രശ്‌നങ്ങൾക്കും കാരണമാകും. അതിനാൽ, നിങ്ങളുടെ ബിപി കൃത്യമായി പരിശോധിക്കുന്നത് നല്ലതാണ്.
ആവശ്യത്തിന് കാൽസ്യം കഴിക്കുന്നത് ഉയർന്ന രക്തസമ്മർദ്ദം കുറയ്ക്കാനും അകറ്റാനും സഹായിക്കും എന്ന് പഠനങ്ങൾ വ്യക്തമാക്കുന്നു.
നേരത്തെയുള്ള ആർത്തവവിരാമത്തിനുള്ള സാധ്യത വർദ്ധിപ്പിക്കുന്നു
നമുക്കെല്ലാവർക്കും അറിയാവുന്നതുപോലെ, ആർത്തവവിരാമം എന്നത് ഒരു നിശ്ചിത പ്രായത്തിന് ശേഷം സ്ത്രീകൾക്ക് അവരുടെ ആർത്തവം ഉണ്ടാകുന്നത് അവസാനിക്കുമ്പോഴാണ് സംഭവിക്കുന്നത്. ആർത്തവവിരാമ സമയത്ത്, എല്ലുകൾ ദുർബലമാവുന്നതിനാൽ, അവ ശക്തമായി തുടരാനും പരിക്ക് തടയാനും ആവശ്യമായ അളവിൽ കാൽസ്യം ശരീരത്തിന് ആവശ്യമാണ്. ഈ ഘട്ടത്തിൽ സ്ത്രീകൾ ശരീരത്തിൽ ആവശ്യമായ അളവിൽ കാൽസ്യം നിലനിർത്താൻ കാൽസ്യം അടങ്ങിയ ഭക്ഷണ ശീലങ്ങളിൽ പ്രത്യേകം ശ്രദ്ധിക്കണം.
കാൽസ്യം അടങ്ങിയ ഭക്ഷണങ്ങൾ
പനീർ, തൈര്, പാൽ, പച്ച ഇലക്കറികൾ, വാഴപ്പഴം എന്നിവയാണ് കാൽസ്യത്തിന്റെ ചില സാധാരണ ഭക്ഷണ സ്രോതസ്സുകൾ. ഓറഞ്ച്, സോയാബീൻ, കോൺ ഫ്ലേക്സ്‌, നട്ട്സ്, എള്ള് എന്നിവയാണ് മറ്റ് കാൽസ്യം സമ്പുഷ്ട ഭക്ഷണങ്ങൾ. വിരസത ഒഴിവാക്കുന്നതിന് വൈവിധ്യമാർന്ന കാൽസ്യം സമ്പുഷ്ട ഭക്ഷണങ്ങൾ ഓരോ ദിവസവും ദൈനംദിന ഭക്ഷണക്രമത്തിൽ ഉൾപ്പെടുത്തുന്നത് നല്ലതാണ്.
കാത്സൃത്തിൻ്റെ അഭാവം നമ്മുടെ ശരീരത്തിൽ വലിയ മാറ്റങ്ങൾ തന്നെയാണ് സൃഷ്ടിക്കുന്നത്. അത് കൊണ്ട് മുകളിൽ പറഞ്ഞ ഏതെങ്കിലും ലക്ഷണങ്ങൾ കാണുകയാണെങ്കിൽ ഉടൻ വൈദ്യസഹായം തേടേണ്ടതാണ്.
