അതി കഠിനമായ ചൂട്, അസ്വസ്ഥത, വിയർപ്പ് എന്നിവയെല്ലാം ചേർന്ന് വേനൽക്കാലം അസഹനീയമായി തുടങ്ങിയിരിക്കുന്നു. ഈ കാലാവസ്ഥയിൽ നിരവധി ആരോഗ്യ പ്രശ്നങ്ങൾ ഉണ്ടാകാൻ സാധ്യത ഉള്ളതിനാൽ പുറത്തിറങ്ങുമ്പോഴൊക്കെ അതീവ ശ്രദ്ധാലുക്കളായിരിരിക്കണം നാമോരോരുത്തരും. പൊള്ളുന്ന ചൂടൊക്കെ അവഗണിച്ച് അകത്തും പുറത്തുമായി നിരന്തരം ജോലികളിൽ ഏർപ്പെടുന്നവരാണ് നമ്മുടെ അമ്മമാർ. ഒരു സ്ത്രീയെന്ന നിലയിൽ, നിങ്ങളുടെ ജീവിതത്തിന്റെ എല്ലാ കാര്യങ്ങളും സന്തുലിതമായി നിലനിർത്തേണ്ടത് അത്യാവശ്യമാണ്. ചൂടുള്ള വേനൽക്കാലത്ത് നിങ്ങളുടെ ചുമലിൽ വളരെയധികം ഭാരമുണ്ടെന്ന കാര്യം ഓർമ്മിക്കുക, നിങ്ങളുടെ ആരോഗ്യത്തിന് നേരിയ രീതിയിൽ പോലും എന്തെങ്കിലം തിരിച്ചടി നേരിട്ടാൽ വീടിന്റെ മുഴുവൻ ദിനചര്യകളും അവതാളത്തിലാകുമെന്ന് പറയേണ്ടതില്ലല്ലോ.
വേനലിൽ അമ്മമാർക് പ്രത്യേക കരുതൽ ആവശ്യമോ! How do women stay healthy in summer..
വർദ്ധിച്ചുവരുന്ന താപനില, നിർജ്ജലീകരണ സാധ്യത, ചർമ്മം ഇരുണ്ടതായി മാറുന്നത് ഇതെല്ലാം വേനൽക്കാലം നിങ്ങൾക്ക് സമ്മാനിക്കുന്ന വിനാശങ്ങളാണ്. അതുകൊണ്ടുതന്നെ ആരോഗ്യകാര്യത്തിൽ കൂടുതൽ ശ്രദ്ധ കേന്ദ്രീകരിക്കാനുള്ള സമയമാണിത്. കടയിൽ നിന്നും പലചരക്ക് സാധനങ്ങൾ വാങ്ങാൻ ഇറങ്ങുമ്പോഴും കുട്ടികളെ വെക്കേഷൻ ക്ലാസ്സുകളിലും ഡാൻസ് ക്ലാസുകളിലേക്കുമെല്ലാം കൂട്ടി കൊണ്ടുപോകുമ്പോഴുമെല്ലാം ചൂടു നിറഞ്ഞ ഈ വേനൽക്കാലത്ത് ആരോഗ്യവതിയായി തുടരാനായി ഈ മികച്ച മാർഗ്ഗങ്ങൾ പിന്തുടരുക.
വേനലിൽ അമ്മമാർക് പ്രത്യേക കരുതൽ ആവശ്യമോ! How do women stay healthy in summer..
വേനൽക്കാലത്ത് ആവശ്യത്തിന് ജലാംശം നിലനിർത്തുക. നിങ്ങൾ ഉണരുമ്പോൾ കുറഞ്ഞത് അര കുപ്പി വെള്ളമെങ്കിലും കുടിക്കുന്നുവെന്നു ഉറപ്പാക്കുക. നിങ്ങൾ ഇടയ്‌ക്കിടെ ജിമ്മിൽ പോകുന്നതോ അല്ലെങ്കിൽ നിങ്ങളുടെ കുട്ടികളെ സ്കൂളിൽ നിന്നും കൂട്ടികൊണ്ടുവരുകയോ ചെയ്യുന്ന അമ്മയാണെങ്കിൽ, നിങ്ങൾ‌ക്കൊപ്പം കയ്യിൽ എപ്പോഴും ഒരു കുപ്പി വെള്ളം കൊണ്ടുപോകുന്നുവെന്ന് ഉറപ്പാക്കുക. ഇത് നിങ്ങളെ ദിവസം മുഴുവൻ ആരോഗ്യമുള്ളവരായി നിലനിർത്തും.
വേനലിൽ അമ്മമാർക് പ്രത്യേക കരുതൽ ആവശ്യമോ! How do women stay healthy in summer..
ഈ വേനൽക്കാലത്ത് മുഴുവൻ കുടുംബവുമൊത്ത് ഒരു ചെറിയ അവധിക്കാലം ആസൂത്രണം ചെയ്യുക. പതിവില്ലാത്ത അന്തരീക്ഷ സ്ഥിതിയിൽ നിങ്ങളുടെ കുട്ടികളോടും ഭർത്താവിനോടുമൊപ്പം സമയം ചെലവഴിക്കുമ്പോൾ മനസ്സിന് ആസ്വാദനവും , ശാന്തിയും ലഭിക്കുന്നു. ആരോഗ്യകരമായ ഒരു മാനസികാവസ്ഥ ശാരീരികമായുള്ള ആരോഗ്യത്തിന് നിങ്ങളെ സഹായിക്കും. കൂടാതെ, ഇത് നിങ്ങളുടെ കുടുംബബന്ധങ്ങളെ കൂടുതൽ ദൃഢമാക്കാനുള്ള അവസരങ്ങൾ നൽകുകയും ചെയ്യും.
വേനലിൽ അമ്മമാർക് പ്രത്യേക കരുതൽ ആവശ്യമോ! How do women stay healthy in summer..
നിങ്ങളുടെ വീട് പരിപാലിക്കുന്നതിനോടൊപ്പം, സൂംബ, എയ്റോബിക്സ് അല്ലെങ്കിൽ നിങ്ങൾ ഇഷ്ടപ്പെടുന്ന മറ്റേതെങ്കിലും ശാരീരിക പ്രവർത്തനങ്ങളിൽ ഏർപ്പെടേണ്ടത് പ്രധാനമാണ്. ഔട്ട്‌ഡോർ വ്യായാമങ്ങൾ ആസ്വദിക്കാനും പ്രകൃതിയുമായി ബന്ധം പുലർത്തുന്നതിനുമായി സൈക്ലിങ്ങ്, നീന്തൽ അല്ലെങ്കിൽ ടെന്നീസ് ഗെയിം എന്നിവ തിരഞ്ഞെടുക്കുക. വൈകുന്നേരം നിങ്ങളുടെ കുട്ടികൾ പാർക്കിലേക്ക് പോകുമ്പോൾ അവരെ അനുഗമിക്കുക. അവരവിടെ കളികളിൽ ഏർപ്പെടുന്ന സമയം പാർക്കിന് ചുറ്റും ഒരു നടത്തം ശീലമാക്കുക. വേനൽക്കാലത്തെ ഏറ്റവും ആവശ്യമുള്ള ഒന്നാണ് വ്യായാമം. ഇത് ചൂടിനെ ഒഴിവാക്കിക്കൊണ്ട് നിങ്ങളുടെ മനസ്സിനും ശരീരത്തിനും പുതുമ നൽകുന്നതിന് ഇത് സഹായിക്കുന്നു. വേഗത്തിൽ ശരീരഭാരം കുറയ്ക്കാൻ വേനൽക്കാലം അനുയോജ്യമാണ്.
വേനലിൽ അമ്മമാർക് പ്രത്യേക കരുതൽ ആവശ്യമോ! How do women stay healthy in summer..
ഏറ്റവും മികച്ച പഴങ്ങൾ വേനൽക്കാലത്ത് ലഭ്യമാണ്. ഈ പഴങ്ങൾ സംഭരിച്ചു വയ്ക്കുക. ഒരു ഐസ്ക്രീമിനോ ചോക്ലേറ്റിനോ പകരമായി ഇവ കഴിക്കുന്നത് ശീലമാക്കുക. തണ്ണിമത്തൻ, ഷമാം , ഓറഞ്ച്, പപ്പായ തുടങ്ങിയ പഴങ്ങൾ ശരീരത്തെ തണുപ്പിക്കുകയും പ്രതിരോധശേഷി വർദ്ധിപ്പിക്കുകയും ചെയ്യുന്നു. നിങ്ങളുടെ വൈകുന്നേര നടത്തത്തിന് പുറപ്പെടുന്നതിന് മുമ്പായി ഒരു ഗ്ലാസ് നാരങ്ങ അല്ലെങ്കിൽ ഓറഞ്ച് ജ്യൂസ് കുടിക്കുക. ഇത് നിങ്ങളിൽ ജലാംശം നിലനിർത്തുകയും ഊർജ്ജസ്വലമായി വ്യായാമം ചെയ്യാൻ അവസരം ഒരുക്കുകയും ചെയ്യും. വേനൽക്കാലത്ത് ആരോഗ്യകരമായ ഭക്ഷണം കഴിക്കുന്നത് ചർമ്മത്തെ സന്തോഷിപ്പിക്കുകയും ശരീരത്തെ സംരക്ഷിക്കുകയും ചെയ്യും.
വേനലിൽ അമ്മമാർക് പ്രത്യേക കരുതൽ ആവശ്യമോ! How do women stay healthy in summer..
ചൂട് നിറഞ്ഞ വേനൽക്കാലങ്ങളിൽ നിങ്ങൾക്ക് പുറത്ത് പോകേണ്ട അവസരങ്ങൾ ധാരാളം ഉണ്ടാകാമെന്നതിനാൽ, സൂര്യനിൽ നിന്നും സ്വയം പരിരക്ഷിക്കേണ്ടത് ആവശ്യമായി മാറുന്നു. ഒരു തൊപ്പി, സൺഗ്ലാസ്, ഉയർന്ന SPF മൂല്യമുള്ള നല്ല സൺസ്‌ക്രീൻ ലോഷൻ എന്നിവയില്ലാം ഈ നാളുകളിൽ ഉപയോഗിക്കേണ്ടത് അത്യാവശ്യമാണ്. ചർമ്മത്തെ പുതുമയുള്ളതാക്കുവാനും സൂര്യതാപം ശമിപ്പിക്കുവാനും കറ്റാർവാഴ ജെൽ ഉപയോഗിക്കാം. സൂര്യരശ്മികൾ പല രീതിയിലും നിങ്ങളുടെ കണ്ണുകളെ ദോഷകരമായി ബാധിക്കും അതിനാൽ നിങ്ങൾ പുറത്തു പോകുമ്പോൾ നിങ്ങൾ സൺഗ്ലാസ് ധരിക്കുന്നുവെന്ന് ഉറപ്പാക്കുക.
