ഒരു കിലോ മാങ്ങ, ഒരു കിലോ ആപ്പിൾ. ഇത് കൂടാതെ വേറെ എന്തെങ്കിലും വേണോ സാറെ ?
ഒരു കിലോ മുന്തിരി കൂടി എടുത്തോളൂ.
അള്ളാ…ഇക്കാ…മുന്തിരി വാങ്ങിക്കണ്ട. മോൻക്ക് കഴിക്കാൻ പറ്റില്ല. മുന്തിരി കഴിച്ചാൽ അവൻ്റെ മേലൊക്കെ ചൊറിഞ്ഞ് തടിക്കും. കഴിഞ്ഞ തവണ ഉപ്പയും, ഉമ്മയും വന്നപ്പോൾ മുന്തിരികൊണ്ട് വന്നിരുന്നു. അത് കഴിച്ചിട്ട് മേലൊക്കെ ചൊറിഞ്ഞ് തടിച്ചു. അവസാനം ഡോക്ടറെ കാണിച്ചപ്പോഴാ മാറി കിട്ടിയത്. അലർജിയുടെ പ്രശ്നമാണെന്നാ അന്ന് ഡോക്ടർ പറഞ്ഞത്, മുന്തിരി ഇനി കൊടുക്കരുതെന്നാണ് ഡോക്ടർ പറഞ്ഞിരിക്കുന്നത്…….
ഇന്ന് മുന്‍കാലങ്ങളെ അപേക്ഷിച്ച് നിരവധി കുട്ടികള്‍ ഭക്ഷണ അലര്‍ജിയാല്‍ ബുദ്ധിമുട്ടുന്നു. ആസ്ത്മ, എക്‌സിമ, ത്വക്ക് തിണര്‍പ്പ് എന്നിവയുള്ള കുട്ടികളില്‍ ഭക്ഷണവുമായി ബന്ധപ്പെട്ട കൂടുതല്‍ കേസുകള്‍ ഇപ്പോള്‍ ഉണ്ട്. ഇത്തരം കാര്യങ്ങള്‍ രക്ഷിതാക്കള്‍ അല്‍പം ശ്രദ്ധിച്ചാല്‍ തന്നെ മനസ്സിലാക്കാന്‍ സാധിക്കുന്നതാണ്.
പലപ്പോഴും കടല്‍വിഭവങ്ങള്‍, പാല്‍ എന്നിവയാണ് മിക്ക ഭക്ഷണ അലര്‍ജികള്‍ക്കും കാരണം, ഇന്ത്യയില്‍ പഴങ്ങളും പയറുവര്‍ഗങ്ങളും പോലും അലര്‍ജിക്ക് കാരണമാകുന്നു. വര്‍ദ്ധിച്ചുവരുന്ന പ്രവണത തുടരുകയാണെങ്കില്‍ 2050 ഓടെ 50 ശതമാനം കുട്ടികളും ഏതെങ്കിലും തരത്തിലുള്ള അലര്‍ജികള്‍ ബാധിച്ചേക്കാമെന്ന് ലോകാരോഗ്യ സംഘടന പോലും പറയുന്നു. അതിനാല്‍, നിങ്ങളുടെ കുട്ടികളില്‍ അലര്‍ജി ലക്ഷണങ്ങള്‍ എങ്ങനെ കണ്ടെത്താമെന്ന് അറിഞ്ഞിരിക്കേണ്ടത് അത്യാവശ്യമാണ്, അത് കൈകാര്യം ചെയ്യുന്നതിന് ഉടനടി ഫലപ്രദമായ നടപടികള്‍ കൈക്കൊള്ളുക.
അലര്‍ജിയുടെ ലക്ഷണങ്ങള്‍
ഒരു കുട്ടിക്ക് ഏതെങ്കിലും ഭക്ഷണത്തോട് അലര്‍ജിയുണ്ടെങ്കില്‍, ഇവ വീണ്ടും കഴിച്ചാല്‍ മിനിറ്റുകള്‍ക്കുള്ളില്‍ അല്ലെങ്കില്‍ ഒരു മണിക്കൂര്‍ വൈകി അവന്‍ രോഗലക്ഷണങ്ങള്‍ പ്രകടിപ്പിക്കാന്‍ തുടങ്ങും. കുട്ടികളില്‍ ഛര്‍ദ്ദി, വയറിളക്കം, വയറുവേദന, തടിച്ച ചുണ്ടുകള്‍, നാവ് അല്ലെങ്കില്‍ വായ എന്നിവയുടെ വീക്കം എന്നിവയിലെ ഭക്ഷണ അലര്‍ജിയുടെ സാധാരണ ലക്ഷണങ്ങള്‍. തൊണ്ടയിലും ശരീരത്തിന്റെ മറ്റ് ഭാഗങ്ങളിലും എക്‌സിമയും ഉണ്ടാകാം. ചിലപ്പോള്‍, നിങ്ങളുടെ കുട്ടിക്ക് ശ്വസിക്കാന്‍ പ്രയാസമുണ്ടാകാം, ഒപ്പം ശ്വാസോച്ഛ്വാസം നിങ്ങള്‍ ശ്രദ്ധിച്ചാല്‍ മാറ്റങ്ങള്‍ മനസ്സിലാക്കാം. കഠിനമായ കേസുകളില്‍, രക്തസമ്മര്‍ദ്ദത്തിന്റെ അളവ് കുറയുന്നു. എന്നിരുന്നാലും, രോഗലക്ഷണങ്ങള്‍ ഓരോ കുട്ടിക്കും വ്യത്യസ്തമായിരിക്കും.
ചികിത്സ
നിങ്ങളുടെ കുട്ടി എന്തെങ്കിലും കഴിച്ചതിനുശേഷം മുകളില്‍ പറഞ്ഞ ഏതെങ്കിലും ലക്ഷണങ്ങള്‍ ശ്രദ്ധയില്‍പ്പെട്ടാല്‍ ഉടന്‍ വൈദ്യസഹായം തേടുക. നിങ്ങളുടെ കുട്ടിക്ക് എന്താണ് തോന്നുന്നതെന്ന് വിശദീകരിക്കാന്‍ അവര്‍ക്ക് സാധിച്ചെന്ന് വരില്ല. അതിനാല്‍, നിങ്ങള്‍ ജാഗ്രത പാലിക്കുകയും അവര്‍ പറയുന്നത് വ്യാഖ്യാനിക്കുകയും വേണം. വായില്‍ ചൊറിച്ചില്‍ ഉണ്ടെന്ന്, അല്ലെങ്കില്‍ നാവ് വളരെ വലുതാണെന്ന് നിങ്ങളുടെ കുട്ടി പറഞ്ഞാല്‍ ഉടന്‍ നടപടിയെടുക്കുക. തൊണ്ടയില്‍ എന്തോ കുടുങ്ങിയിട്ടുണ്ടെന്ന് ചിലപ്പോള്‍ കുട്ടികള്‍ പറഞ്ഞേക്കാം. ഭക്ഷണ അലര്‍ജികള്‍ ചിലപ്പോള്‍ ജീവന്‍ അപകടത്തിലാക്കുന്നു. അതിനാല്‍, നേരത്തെ തന്നെ നിങ്ങള്‍ നിങ്ങളുടെ കുട്ടിയെ ആശിപത്രിയിലേക്ക് എത്തിക്കുന്നതിന് ശ്രദ്ധിക്കണം. കുട്ടിക്ക് പ്രശ്‌നമുള്ള ഭക്ഷണം അത്താഴ മേശയില്‍ നിന്ന് ഒഴിവാക്കാന്‍ ശ്രദ്ധിക്കുക.
എങ്ങനെ തടയാം
എന്നാല്‍ ഭക്ഷണ അലര്‍ജിയെ തടയാന്‍ കഴിയുന്ന മരുന്നുകളൊന്നുമില്ലെന്ന് മനസ്സിലാക്കുക. ഡോക്ടര്‍ രോഗലക്ഷണങ്ങളെ ചികിത്സിക്കും. സാധാരണയായി, രോഗലക്ഷണങ്ങളെ ചികിത്സിക്കാന്‍ ഡോക്ടര്‍ ആന്റിഹിസ്റ്റാമൈനുകള്‍ ശുപാര്‍ശ ചെയ്യുന്നു. ചിലപ്പോള്‍, എപിനെഫ്രിന്‍ അടങ്ങിയ അടിയന്തര കിറ്റും ഒരു ഡോക്ടര്‍ നിര്‍ദ്ദേശിച്ചേക്കാം. കഠിനമായ പ്രതിപ്രവര്‍ത്തനങ്ങളുടെ ലക്ഷണങ്ങളെ ഇത് നിര്‍ത്തുന്നു. എന്നാല്‍ നിങ്ങള്‍ എന്തുകൊണ്ടും വൈദ്യസഹായം തേടേണ്ടതുണ്ട് എന്നുള്ളതാണ് ശ്രദ്ധിക്കേണ്ട കാര്യം. വീട്ടില്‍ ഇത് ചികിത്സിക്കുന്നതിന് ഒരിക്കലും തയ്യാറാവരുത്. കാരണം സങ്കീര്‍ണതകളുടെ സാധ്യത വളരെ വലുതാണ്
