മഴക്കാലം തുടങ്ങുമ്പോൾ നമ്മുടെ ശരീരത്തിന്റെ പ്രതിരോധശേഷി (immunity) കുറയുകയും രോഗാണുക്കൾ വേഗത്തിൽ വളരുകയും ചെയ്യുന്നു. ഈ സമയത്ത് ഭക്ഷണത്തിൽ വരുത്തുന്ന ചെറിയ അശ്രദ്ധ പോലും വയറുവേദന, ഭക്ഷ്യവിഷബാധ, വയറിളക്കം, ജലദോഷം പോലുള്ള രോഗങ്ങൾക്ക് കാരണമാകാം. അതിനാൽ മഴക്കാലത്ത് ചില ഭക്ഷണങ്ങൾ ശ്രദ്ധാപൂർവ്വം ഒഴിവാക്കുന്നത് ആരോഗ്യത്തിന് നല്ലതാണ്.
വെളിയിൽ നിന്നുള്ള ഭക്ഷണം
റോഡരികിലെ പാനിപൂരി, പകവട , ചാറ്റ്, ഷവർമ്മ, വറുത്ത പലഹാരം എന്നിവ മഴക്കാലത്ത് കൂടുതൽ അപകടകരമാണ്. വെള്ളം, എണ്ണ, ചേരുവകൾ എന്നിവ മലിനമായിരിക്കാം. ഇതിലൂടെ വയറുവേദന, വയറിളക്കം, അണുബാധ തുടങ്ങിയവയ്ക്ക് സാധ്യത കൂടുതലാണ്.
കടൽഭക്ഷണം
മഴക്കാലത്ത് മത്സ്യങ്ങൾ, ചെമ്മീൻ, ഞണ്ട് പോലുള്ള കടൽഭക്ഷണങ്ങൾ പഴക്കമുള്ളതായി കിട്ടാൻ സാധ്യത കൂടുതലാണ്. ഈ ഭക്ഷണം കഴിക്കുമ്പോൾ വയറുവേദനയും ഭക്ഷ്യവിഷബാധയും ഉണ്ടാകാം. അതിനാൽ ഈ സമയത്ത് കടൽഭക്ഷണം പരമാവധി ഒഴിവാക്കുകയോ, അല്ലെങ്കിൽ വിശ്വസ്തമായ സ്ഥലങ്ങളിൽ നിന്ന് മാത്രമേ വാങ്ങാവൂ.
പച്ചക്കറി സാലഡ് & വേവിക്കാത്ത ഭക്ഷണം
ലറ്റ്യൂസ്, കാബേജ് പോലുള്ള ഇലക്കറികൾ നേരിട്ട് കഴിക്കുന്നത് മഴക്കാലത്ത് അപകടകരമാണ്. മണ്ണിൽ നിന്നോ വെള്ളത്തിൽ നിന്നോ രോഗാണുക്കൾ എളുപ്പത്തിൽ ഒട്ടും. അതിനാൽ ഇത്തരം പച്ചക്കറികൾ വേവിച്ച ശേഷം മാത്രമേ കഴിക്കാവൂ.
പുറത്ത് മുറിച്ച പഴങ്ങൾ & ജ്യൂസ്
റോഡരികിൽ കിട്ടുന്ന മുറിച്ച പഴങ്ങൾ, പഴച്ചാർ എന്നിവ മഴക്കാലത്ത് വളരെ അപകടകരമാണ്. വായുവിൽ, വെള്ളത്തിൽ നിന്നുള്ള രോഗാണുക്കൾ വേഗത്തിൽ വളരുന്നതിനാൽ വയറുവേദനക്കും വയറിളക്കത്തിനും കാരണമാകും. അതിനാൽ വീട്ടിൽ മുറിച്ച പഴം മാത്രം കഴിക്കുക.
അധികം എണ്ണയിൽ വറുത്ത പലഹാരങ്ങൾ
മഴക്കാലത്ത് ദഹനശേഷി കുറയുന്നതിനാൽ എണ്ണയിൽ കൂടുതലായി വറുത്ത ഭക്ഷണം കഴിച്ചാൽ വയറുവേദന, അമിതആസിഡിറ്റി, വയറിളക്കം എന്നിവയ്ക്കുള്ള സാധ്യത കൂടുതലാണ്. പഴയ എണ്ണ ഉപയോഗിച്ച ഭക്ഷണം പ്രത്യേകിച്ച് ഒഴിവാക്കണം.
ഇലക്കറികൾ
ചീര പോലുള്ള ചില ഇലക്കറികളിൽ മഴക്കാലത്ത് കീടങ്ങൾ കൂടുതലായി ബാധിക്കപ്പെടും. കഴിക്കുന്നവർ നല്ലവണ്ണം കഴുകി വേവിച്ചശേഷം മാത്രം ഭക്ഷണം കഴിക്കുക.
അധികം മസാലയും എണ്ണയും ഉള്ള ഭക്ഷണം
മഴക്കാലത്ത് ശരീരത്തിന്റെ പ്രതിരോധശേഷി കുറയുമ്പോൾ അധികമസാലയും എണ്ണയും ഉള്ള ഭക്ഷണം വയറുവേദനക്കും ദഹനക്കേടിനും കാരണമാകും. അതിനാൽ ഇത്തരത്തിലുള്ള ഭക്ഷണം ഒഴിവാക്കുന്നത് നല്ലതാണ്.
