പൊതുവെ ആളുകള്‍ക്ക് പേടിയുള്ള രോഗമാണ് ക്യാന്‍സര്‍. ഇന്ത്യയില്‍ ക്യാന്‍സര്‍ രോഗികളുടെ എണ്ണം വര്‍ധിച്ച് വരുന്നത് ആശങ്ക സ്യഷ്ടിക്കുന്നുണ്ട്. ഗ്യാസ്ട്രിക് ക്യാന്‍സര്‍ എന്നറിയപ്പെടുന്ന വയറ്റിലെ ക്യാന്‍സര്‍ ചില വികസിത രാജ്യങ്ങളിലെ പോലെ ഇന്ത്യയില്‍ സാധാരണമല്ല, എന്നാല്‍ ഇത് ഇന്ത്യയുടെ തെക്കന്‍ ഭാഗങ്ങളിലും വടക്കു കിഴക്കന്‍ സംസ്ഥാനങ്ങളിലും മറ്റുള്ളവയേക്കാള്‍ വ്യാപകമാണ്. ഇന്ത്യയില്‍ ഏറ്റവും കൂടുതല്‍ ആമാശയ ക്യാന്‍സര്‍ റിപ്പോര്‍ട്ട് ചെയ്തിരിക്കുന്നത് മിസോറാമിലാണ്.
പുരുഷന്മാരില്‍ കാണുന്ന ക്യാന്‍സറില്‍ അഞ്ചാമതാണ് ഗാസ്ട്രിക് ക്യാന്‍സര്‍. അതുപോലെ സ്ത്രീകളില്‍ ഏഴാമതായുമാണ് കാണപ്പെടുന്നത്. ഗ്യാസ്ട്രിക് ക്യാന്‍സര്‍ രോഗികളില്‍ 1% മുതല്‍ 3% വരെ മാത്രമേ ആമാശയ അര്‍ബുദത്തിന്റെ പാരമ്പര്യ രൂപമുണ്ടെന്ന് കരുതപ്പെടുന്നുള്ളൂ. ആമാശയത്തിലെ കോശങ്ങളിലെ ഡിഎന്‍എയിലെ ജനിതകമാറ്റം മൂലമാണ് ആമാശയ ക്യാന്‍സര്‍ ഉണ്ടാകുന്നത്. ഹെലികോഹാക്റ്റര്‍ പൈലൊറി എന്ന ബാക്ടീരിയയാണ് ഇതിന് കാരണമാകുന്നത്. ഇത് ആമാശയത്തില്‍ വീക്കവും അള്‍സറും ഉണ്ടാക്കുന്നു. എന്തൊക്കെയാണ് ഇതിന്റെ ലക്ഷണങ്ങള്‍ എന്ന് നോക്കാവുന്നതാണ്.
1.ഭക്ഷണം വിഴുങ്ങാന്‍ ബുദ്ധിമുട്ട്.
2.ചെറിയ അളവില്‍ ഭക്ഷണം കഴിക്കുമ്പോള്‍ തന്നെ വയര്‍ നിറഞ്ഞതായി തോന്നുക.
3.ഭക്ഷണം കഴിച്ചതിന് ശേഷം വയറു വീര്‍ക്കുന്നതായി തോന്നുക.
4.വയറുവേദന.
5.നെഞ്ചെരിച്ചില്‍.
6.ദഹനക്കേട്.
7.വിശപ്പ് തോന്നുന്നില്ല
8.ഭാരം കുറയുക
9.കറുത്ത നിറമുള്ള വസ്തുക്കളോ രക്തമോ ഛര്‍ദ്ദിക്കുക
10.മലത്തിന്റെ നിറം കറുത്ത് കാണുന്നത്
എന്തൊക്കെയാണ് ഇതിന്റെ കാരണങ്ങള്‍ എന്ന് നോക്കാവുന്നതാണ്.
1.ഹൈപ്പര്‍ അസിഡിറ്റി, ഗ്യാസ്‌ട്രോ ഈസോഫേഷ്യല്‍ റിഫ്‌ലക്‌സ് രോഗ
2.ഹെലിക്കോബാക്റ്റര്‍ പൈലോറി ബാക്ടീരിയയുമായുള്ള അണുബാധ
3.സ്മോക്ക് ചെയ്തതും ഉപ്പ് കൂടുതലുമായ ഭക്ഷണം കഴിക്കുക
4.പഴങ്ങളും പച്ചക്കറികളും കുറച്ച് കഴിക്കുക
5.ഏതെങ്കിലും കാരണത്താല്‍ ഉണ്ടാകുന്ന ഗ്യാസ്‌ട്രൈറ്റിസ്.
6.ലിഞ്ച് സിന്‍ഡ്രോം പോലുള്ള ജനിതക സിന്‍ഡ്രോമിന്റെ കുടുംബ ചരിത്രം
ഗ്യാസ്ട്രിക് ക്യാന്‍സര്‍ സാധ്യത വര്‍ദ്ധിപ്പിക്കുന്ന ചില ഭക്ഷണങ്ങള്‍ ഉണ്ടെങ്കിലും, ചില പോഷകങ്ങള്‍ ഈ അപകടസാധ്യത കുറയ്ക്കും. പഠനങ്ങള്‍ അനുസരിച്ച്, പച്ചക്കറികളും പഴങ്ങളും ഉള്‍പ്പെടെ വൈറ്റമിന്‍ സി അടങ്ങിയ ഭക്ഷണങ്ങള്‍ കൂടുതലായി കഴിക്കുന്നത് ഗ്യാസ്ട്രിക് ക്യാന്‍സറില്‍ നിന്ന് ആളുകളെ സംരക്ഷിക്കും. വേള്‍ഡ് ക്യാന്‍സര്‍ റിസര്‍ച്ച് ഫണ്ടിന്റെയും അമേരിക്കന്‍ ഇന്‍സ്റ്റിറ്റ്യൂട്ട് ഫോര്‍ ക്യാന്‍സര്‍ റിസര്‍ച്ചിന്റെയും റിപ്പോര്‍ട്ട് അനുസരിച്ച്, അന്നജം അടങ്ങിയിട്ടില്ലാത്ത പച്ചക്കറികളുടെയും പഴങ്ങളുടെയും വര്‍ദ്ധിച്ച ഉപഭോഗം ഗ്യാസ്ട്രിക് ക്യാന്‍സറിനുള്ള സാധ്യത കുറയ്ക്കും.
അതേസമയം ഉപ്പും, ഉപ്പിട്ട ഭക്ഷണങ്ങളും ഗ്യാസ്ട്രിക് ക്യാന്‍സറിനുള്ള അപകട ഘടകങ്ങളാകാം. പഠനങ്ങള്‍ അനുസരിച്ച്, വൈറ്റമിന്‍ സിക്ക് ഒരു കീമോപ്രെവന്റീവ് ഫലമുണ്ട്. ഇത് ഓക്‌സിഡേറ്റീവ് ഡിഎന്‍എ നാശത്തില്‍ നിന്ന് കോശങ്ങളെ സംരക്ഷിക്കുകയും അതുവഴി അര്‍ബുദത്തെ തടയുകയും ചെയ്യുന്നു.
ഗ്യാസ്ട്രിക് ക്യാന്‍സറിനെ പ്രതിരോധിക്കാനുള്ള ഭക്ഷണങ്ങള്‍ എന്തൊക്കെയാണ് എന്ന് നോക്കാവുന്നതാണ്.
1.അവോക്കാഡോ, പപ്പായ, മത്തങ്ങ, മധുരക്കിഴങ്ങ്, ചോളം, മുട്ടയുടെ മഞ്ഞ, ചീര എന്നിവ കരോട്ടിനോയിഡുകള്‍ അടങ്ങിയ ഭക്ഷണങ്ങളാണ്. ഇത് വയറിലെ ക്യാന്‍സര്‍ തടയാന്‍ സഹായിക്കും.
2.ഓറഞ്ച്, കുരുമുളക്, സ്‌ട്രോബെറി, ബ്രോക്കോളി, ഉരുളക്കിഴങ്ങ്, തക്കാളി, മാമ്പഴം എന്നിവയെല്ലാം വൈറ്റമിന്‍ സിയാല്‍ സമ്പന്നമാണ്, കൂടാതെ ഗ്യാസ്ട്രിക് ക്യാന്‍സറിനെ തടയാൻ ഒരു പരിധി വരെ സഹായിക്കും.
3..സിട്രസ് പഴങ്ങൾ കഴിക്കുന്നത് നല്ലതാണ്. സിട്രസ് പഴങ്ങളിലും സരസഫലങ്ങളിലും സാധാരണയായി കാണപ്പെടുന്ന ആന്റിഓക്സിഡന്റ് സംയുക്തങ്ങളാണ് വൈറ്റമിന്‍ സി. അവ ആന്റിഓക്സിഡന്റുകളുടെ സമ്പന്നമായ ഉറവിടമാണ്. വൈറ്റമിന്‍ സിയും കരോട്ടിനോയിഡുകളും ആന്റിഓക്സിഡന്റുകളായി പ്രവര്‍ത്തിക്കുകയും ഡിഎന്‍എ കേടുപാടുകള്‍ തടയുകയും ക്യാന്‍സര്‍ പരിവര്‍ത്തനത്തില്‍ പ്രധാനപ്പെട്ട മറ്റ് ഫലങ്ങളെ തടയുകയും ചെയ്യുന്ന റിയാക്ടീവ് ഓക്സിജന്‍ സ്പീഷീസുകള്‍ നീക്കം ചെയ്തേക്കാം.
ക്യാൻസർ രോഗത്തിൻ്റെ ഏതെങ്കിലും തരത്തിലുള്ള ലക്ഷണങ്ങൾ കണ്ടാൽ തീർച്ചയായും വൈദ്യ സഹായം തേടണം.
