ലോകത്തിലെ തന്നെ ഏറ്റവും മാരകമായ രോഗങ്ങളിൽ ഒന്നാണ് കാൻസർ. ആഗോളതലത്തിലെ കണക്ക് പ്രകാരം കാൻസർ ബാധിച്ച ആറിൽ ഒരാൾക്ക് വീതം ജീവൻ നഷ്ടപ്പെടുകയും ചെയ്യുന്നു. അതിനാൽ, ഗുരുതരമായ ഈ രോഗത്തെക്കുറിച്ച് അവബോധം സൃഷ്ടിക്കുന്നതിനായി എല്ലാ വർഷവും ഫെബ്രുവരി 4 നു ലോക കാൻസർ ദിനമായി ആചരിക്കുന്നു. ക്യാൻസറിനെ കുറിച്ച് പൊതുവെ നിലനിൽക്കുന്ന ചില മിഥ്യാ ധാരണകളുണ്ട്. അവ എന്തൊക്കെയെന്ന് നോക്കാം.
1.കീമോതെറാപ്പിക്ക് സാധാരണയായി മോശം പാർശ്വഫലങ്ങളുണ്ട് എന്ന് പറയപ്പെടുന്നു. ഇതിന്റെ വാസ്തവമെന്ത്?
ഇത് അടിസ്ഥാനപരമായി ശരിയാണ്, കീമോതെറാപ്പി ചെയ്യുന്ന രോഗികളിൽ ചില പാർശ്വഫലങ്ങൾ ഉണ്ടായേക്കാം. ഉദാഹരണത്തിന്, മുടി കൊഴിച്ചിൽ, ചർമ്മത്തിൽ ഇരുണ്ട നിറം, കണ്ണുകൾ നിറഞ്ഞിരിക്കുന്ന അവസ്‌ഥ, വായിൽ ഉണ്ടാകുന്ന പൊട്ടലുകൾ, ഛർദ്ദി, ഓക്കാനം, വായിൽ രുചി മാറ്റം, ശ്വാസകോശ തകരാറിനുള്ള സാധ്യത (അപൂർവ്വമായി), ഹൃദയാഘാതത്തിനുള്ള സാധ്യത (അപൂർവ്വമായി), വയറിളക്കം, ശരീരവേദന, പേശിവേദന എന്നിവ ഉണ്ടായേക്കാം.
2.കീമോതെറാപ്പി വേദനാജനകമാണോ?
അല്ല, ഇത് പൂർണ്ണമായും ശരിയല്ല, എന്നിരുന്നാലും, ഓക്കാനം, മുകളിൽ സൂചിപ്പിച്ച മറ്റ് പാർശ്വഫലങ്ങൾ എന്നിവ പോലുള്ള നിരവധി മാറ്റങ്ങളിലൂടെ കടന്നുപോകുമ്പോൾ കീമോതെറാപ്പി നേരിടുന്നത് വിഷമകരമാണ്. ഛർദ്ദി അങ്ങനെ വേദനാജനകമല്ല, എന്നാൽ മടുപ്പുളവാക്കുന്നതാണ്. കീമോതെറാപ്പിയുടെ മറ്റ് ഫലങ്ങൾ കാൻസർ രോഗികളെ അസ്വസ്ഥരാക്കുന്നു. ഉദാഹരണത്തിന്, രുചിയുടെ അഭാവം (താൽക്കാലികം), ക്ഷീണം എന്നിവ. കാരണം ഈ സമയത്ത് ഒന്നും കഴിക്കാൻ തോന്നുകയില്ല.
3.കീമോതെറാപ്പിക്ക് ശേഷം മുടി ഒരിക്കലും വളരുകയില്ല എന്ന് പറയുന്നതിൽ സത്യമുണ്ടോ?
അത് തെറ്റാണ്. ഇതിന് ശേഷം മുടി വീണ്ടും വളരും. കീമോതെറാപ്പിക്ക് വിധേയമാകുന്നതിന് മുമ്പുള്ളതിനേക്കാൾ ഉള്ളുള്ള മുടി രോഗികളിൽ ഉണ്ടായതായും കണ്ടിട്ടുണ്ട്.
4.സ്തനത്തിൽ കാണപ്പെടുന്ന മുഴകളെല്ലാം സ്തനാർബുദമാണോ?
ഇത് യഥാർത്ഥത്തിൽ നേരെ തിരിച്ചാണ്. സ്തനത്തിൽ കാണപ്പെടുന്ന മുഴകളിൽ 90% മുഴകളും കാൻസർ അല്ല. 10% മാത്രമാണ് കാൻസർ ആകുന്നത്.
5.ഗർഭിണികൾക്ക് കാൻസർ ചികിത്സകൾ ചെയ്യാനാകില്ല എന്ന് പറയുന്നതിൽ വാസ്തവമുണ്ടോ?
ഗർഭിണികൾക്ക് കാൻസർ ചികിത്സ ലഭിക്കും. എന്നിരുന്നാലും, അതിൽ പ്രധാനമായും അമ്മയേക്കാൾ കുട്ടിക്ക് അപകടസാധ്യതകളുണ്ട്. സാധാരണയായി ഗർഭകാലത്ത് ആദ്യത്തെ മൂന്ന് മാസങ്ങളിൽ ചികിത്സ ഒഴിവാക്കുന്നു, എന്നാൽ രണ്ടാമത്തെയും മൂന്നാമത്തെയും ത്രിമാസത്തിൽ കീമോതെറാപ്പിക്ക് വിധേയമാകാം. കാരണം, ആദ്യ മൂന്ന് മാസത്തിൽ തന്നെ ഒരു കുട്ടിയുടെ പരമാവധി അവയവ വികസനം ഇതിനകം സംഭവിച്ചു കഴിഞ്ഞിട്ടുണ്ടാകും.
6.ഭേദമായ കാൻസർ വീണ്ടും വരാനുള്ള സാധ്യതയുണ്ടോ?
അത് തെറ്റാണ്. രോഗിയുടെ ഘട്ടത്തെയും കാൻസറിന്റെ തരത്തെയും ആശ്രയിച്ച് രോഗം ഭേദമാകുന്നതിന്റെ നിരക്ക് വ്യത്യാസപ്പെടാം. സാധാരണയായി ഘട്ടം 1 ൽ, കാൻസർ ഭേദമാകാനുള്ള സാധ്യത നിരക്ക് 80 മുതൽ 90% വരെയാണ്, രണ്ടാം ഘട്ടത്തിൽ ഇത് 60 മുതൽ 80% വരെയും മൂന്നാം ഘട്ടത്തിൽ 60 മുതൽ 30% വരെയുമായി കുറയുന്നു. നാലാം ഘട്ടത്തെക്കുറിച്ച് സംസാരിക്കുമ്പോൾ, കുറച്ച് ക്യാൻസറുകൾ ഭേദമാക്കാൻ കഴിയും. പ്രത്യേകിച്ചും ഇമ്മ്യൂണോതെറാപ്പി ഉപയോഗിച്ച്, ശ്വാസകോശ അർബുദം, വൃക്കയിലെ കാൻസർ, മൂത്രസഞ്ചി കാൻസർ, വൻകുടൽ കാൻസർ തുടങ്ങി ചില തരം രോഗികളിൽ 20% രോഗികൾക്ക് അവസാനഘട്ടത്തിൽ കാൻസർ ഭേദമാകാൻ സാധ്യതയുണ്ട്. എന്നാൽ വീണ്ടും വരികയാണെങ്കിൽ പല രോഗികൾക്കും പുതിയ തരം ക്യാൻസറുകൾ വരാം.
കാൻസർ എന്ന പേര് കേൾക്കുമ്പോൾ തന്നെ ഭയന്ന് ഓടിയോളിക്കാതെ അതിൻ്റെ കാര്യകാരണങ്ങളും രോഗനിർണയ രീതികളും കൃത്യമായി തിരിച്ചറിഞ്ഞുകൊണ്ട് അതിനെതിരായ പ്രതിരോധ നടപടികൾ സ്വീകരിക്കുകയും സമയബന്ധിതമായ മെഡിക്കൽ ഇടപെടലുകൾ സ്വീകരിച്ചുകൊണ്ട് അതിനെ ധൈര്യപൂർവ്വം നേരിട്ടു തോൽപ്പിക്കുകയുമാണ് വേണ്ടത്.
