കൊളെസ്ട്രോൾ എന്ന വില്ലൻ….

കൊളെസ്ട്രോൾ എന്ന വില്ലൻ….

സൂപ്പർ മാർക്കറ്റിലെ വസ്തുക്കളിൽ നോ കൊളെസ്ട്രോൾ ലേബൽ നോക്കി അവശ്യ സാധനങ്ങൾ വാങ്ങിക്കുന്ന ഒരു കാലഘട്ടമാണിത്.. കാരണം വേറൊന്നുമല്ല മെഴുക്ക് അഥവാ കൊഴുപ്പ് രൂപത്തിലുള്ള ഈയൊരു പദാർത്ഥം ശരീരത്തിനുള്ളിൽ അത്രമാത്രം ദോഷഫലങ്ങൾക്ക് കാരണമാകുന്നതാണെന്ന് കണക്കാക്കപ്പെട്ടിരിക്കുന്നു. കൊളസ്ട്രോൾ എന്ന് വിളിക്കുന്ന മോശം കൊഴുപ്പുകൾ നമ്മുടെ ശരീരത്തിലെ രക്തക്കുഴലുകളിൽ കട്ടപിടിച്ചിരിക്കുയും കാലക്രമേണ രക്തയോട്ടത്തിൽ അസ്വാഭാവികതകൾ സൃഷ്ടിക്കുകയും ചെയ്തേക്കാം. രക്തക്കുഴലുകളിൽ അടിഞ്ഞുകൂടുന്ന ഇത്തരം കൊഴുപ്പ് നിക്ഷേപങ്ങളാണ് ദീർഘകാലത്തിൽ ഹൃദയാഘാതം അല്ലെങ്കിൽ സ്ട്രോക്ക് തുടങ്ങിയ ലക്ഷണങ്ങളിലേക്ക് നയിക്കുന്നത്.

കൊളെസ്ട്രോൾ എന്ന വില്ലൻ….

വാസ്തവത്തിൽ കൊളസ്ട്രോൾ എന്ന ഘടകത്തെ മുഴുവനായും മോശപ്പെട്ട ഒന്നായി മാത്രം നോക്കി കാണാനാവുന്നതല്ല. ഭക്ഷണങ്ങളിലൂടെ കഴിച്ചില്ലെങ്കിൽ പോലും ഒരാളുടെ ശരീരത്തിൽ കൊളസ്ട്രോളുകൾ സ്വാഭാവികമായി തന്നെ ഉൽ‌പാദിപ്പിക്കപ്പെടുന്നുണ്ട്. നിങ്ങളുടെ ശരീരം ശരിയായ രീതിയിൽ പ്രവർത്തന സജ്ജമായിരിക്കാൻ ഒരു നിശ്ചിത അളവിൽ കൊളസ്ട്രോൾ ഘടന ശരീരത്തിന് ആവശ്യകവുമാണ്. കോശങ്ങളുടെ സ്തരഘടനയെ കെട്ടിപ്പടുക്കുക, ഹോർമോണുകളെ നിർമ്മിക്കുക, പിത്തരസവും ആസിഡുകളും വിറ്റാമിൻ ഡി യും ഉൾപ്പെടെയുള്ള അവശ്യ സംയുക്തങ്ങളെ ഉത്പാദിപ്പിക്കുക, ഉപാപചയ പ്രവർത്തനങ്ങളെ മെച്ചപ്പെടുത്തുക തുടങ്ങിയവ ശരീരത്തിലെ പല പ്രവർത്തനങ്ങൾക്കും കൊളസ്ട്രോളുകൾ സ്വാധീനം ചെലുത്തുന്നുണ്ട്. കരളാണ് ഒരാളുടെ ശരീരത്തിൻ്റെ പ്രവർത്തനങ്ങൾക്കെല്ലാം ആവശ്യമായ ഇത്തരം കൊളസ്ട്രോളുകൾ ഉൽപാദിപ്പിക്കുന്നത്.

കൊളെസ്ട്രോൾ എന്ന വില്ലൻ….

അതോടൊപ്പം നാം സാധാരണ കഴിക്കുന്ന പാലുൽപ്പന്നങ്ങൾ, മാംസം, ചിക്കൻ തുടങ്ങിയ ഭക്ഷണങ്ങളിലൂടെയും ശരീരത്തിന് കൊളസ്ട്രോൾ ലഭിക്കുന്നു. നിശ്ചിത അളവിനേക്കാളധികം ഈ ഭക്ഷണങ്ങൾ കഴിക്കുകയാണെങ്കിൽ, നിങ്ങളുടെ ശരീരത്തിലെ കൊളസ്ട്രോളിന്റെ അളവ് വളരെ ഗതിയിലായി മാറാനുള്ള സാധ്യതയുണ്ട്. സാധാരണയായി ആദ്യഘട്ടങ്ങളിൽ ഉയർന്ന കൊളസ്ട്രോളിന്റെ ലക്ഷണങ്ങൾ പലതും ശരീരം താനേ പുറത്ത് കാട്ടാറ് പതിവില്ല. കൂടുതലായും ആന്തരികമായി സംഭവിക്കുന്നതിനാൽ തന്നെ ഹൃദയാഘാതവും ഇതുമായി ബന്ധപ്പെട്ട് മറ്റ് ആരോഗ്യപ്രശ്നങ്ങളും ഉണ്ടാവുമ്പോൾ മാത്രമാണ് എല്ലാവരും ഈ കാര്യത്തിൽ ശ്രദ്ധ നൽകാൻ തുടങ്ങുന്നത്.

കൊളെസ്ട്രോൾ എന്ന വില്ലൻ….

നമ്മുടെ ശരീരത്തിൽ രണ്ട് ഇനത്തിൽപ്പെട്ട കൊളസ്ട്രോളുകൾ ഉണ്ട്. ഒന്ന് ഉയർന്ന സാന്ദ്രതയുള്ളത് അഥവാ ഹെ ഡെൻസിറ്റി ലിപ്പോപ്രോട്ടീൻ എന്നു വിളിക്കുന്ന HDL കൊളസ്ട്രോളുകൾ. മറ്റൊന്ന് കുറഞ്ഞ സാന്ദ്രതയുള്ളത് അഥവാ ലോ ഡെൻസിറ്റി ലിപ്പോപ്രോട്ടീനായ LDL. കൊഴുപ്പുകളും പ്രോട്ടീനും ചേർന്നുണ്ടാവുന്നതാണ് ഇപ്പറഞ്ഞ ലിപ്പോപ്രോട്ടീനുകൾ. ഈ ലിപ്പോപ്രോട്ടീനുകൾക്കുള്ളിലൂടെയാണ് കൊളസ്ട്രോളുകൾ നിങ്ങളുടെ ശരീരത്തിൽ ഉടനീളം സഞ്ചരിക്കുന്നത്.

കൊളെസ്ട്രോൾ എന്ന വില്ലൻ….

HDL ആളുകൾക്കിടയിൽ നല്ല കൊളസ്ട്രോൾ എന്നറിയപ്പെടുന്നു. കാരണമിത് ശരീരത്തിലെ മാലിന്യങ്ങളെ ഫിൽട്ടർ ചെയ്തെടുക്കുന്നതിനായി നേരിട്ട് കരളിലേക്ക് പോകുന്നവയാണ്. യാഥാർത്ഥ്യം എന്തെന്നാൽ നിങ്ങളുടെ ശരീരത്തിൽ അമിതമായി അടിഞ്ഞുകൂടുന്ന കൊളസ്ട്രോളിനെ തന്നെ ഒഴിവാക്കാൻ ശേഷിയുള്ളതാണ് HDL കൊളസ്ട്രോളുകൾ. ഇത്തരം കൊളസ്ട്രോളുകൾ നിങ്ങളുടെ ധമനികളിലും രക്തക്കുഴലുകളിലും ബ്ലോക്കുകൾ കെട്ടിപ്പടുക്കുന്നതിനുള്ള സാധ്യത കുറയ്ക്കുന്നു. ചുരുക്കിപ്പറഞ്ഞാൽ ഹൃദയസ്തംഭനത്തിൻ്റെയും മറ്റ് ആരോഗ്യ അപകടങ്ങളുടേയും സാധ്യത കുറയ്ക്കാൻ ഒരു പരിധിവരെ ഇവ സഹായിക്കുന്നുണ്ട്.

കൊളെസ്ട്രോൾ എന്ന വില്ലൻ….

ലോ ഡെൻസിറ്റി ലിപ്പോപ്രോട്ടീൻ അഥവാ LDL കൊളസ്ട്രോളുകൾ ശരീരത്തിലെ മോശം കൊളസ്ട്രോൾ എന്നറിയപ്പെടുന്നു, ഈ കൊളസ്ട്രോളുകൾ നിങ്ങളുടെ ഹൃദയധമനികളിലേക്ക് നേരിട്ട് ചെന്നെത്തുന്നതാണ്. അവ രക്തക്കുഴലുകളിൽ ഫലകങ്ങൾ സൃഷ്ടിച്ചുകൊണ്ട് സ്വഭാവിക രക്തചക്രമണത്തിൽ തടസ്സങ്ങൾ സൃഷ്ടിക്കുന്നു. ഹൃദയധമനികളിൽ ഇത്തരത്തിൽ ഫലകങ്ങൾ രൂപപ്പെടുന്ന അവസ്ഥയുടെ പേരാണ് ആതറോസ്ക്ലറോസിസ്. ഇത് രക്തം കട്ടപിടിക്കാനും കൊഴുപ്പ് അടിഞ്ഞുകൂടി ധമനികൾ ചുരുങ്ങാനുള്ള സാധ്യത വർദ്ധിപ്പിക്കുന്നു. കട്ടപിടിച്ചിരിക്കുന്ന രക്തം ഹൃദയധമനികളിൽ ചെന്നെത്തി ബ്ലോക്കുകൾ സൃഷ്ടിക്കുകയാണെങ്കിൽ അത് പെട്ടെന്നുള്ള ഹൃദയാഘാതത്തിന് കാരണമാകും. ഇത്തരത്തിൽ കട്ടപിടിച്ച രക്തം രക്തക്കുഴലുകളിലൂടെ നിങ്ങളുടെ തലച്ചോറിലേക്ക് സഞ്ചരിക്കുകയാണെങ്കിൽ പെട്ടെന്ന് സ്ട്രോക്കും സംഭവിക്കാം. രക്തക്കുഴലുകളിൽ ഫലകങ്ങൾ നിർമ്മിക്കപ്പെടുന്ന ഈ പ്രവർത്തി സ്വാഭാവികമായി ശരീരത്തിൽ ഉടനീളമുള്ള രക്തയോട്ടത്തിൽ കുറവുണ്ടാക്കുന്നു. അങ്ങനെ വരുമ്പോൾ നിങ്ങളുടെ പ്രധാന അവയവങ്ങളിലേക്ക് കൊണ്ടുപോകുന്ന ഓക്സിജൻ്റെ അളവിലും കുറവുണ്ടാകുന്നു. ഓക്സിജന്റെ അഭാവം വൃക്കരോഗങ്ങളുടേയും സാധ്യത വർദ്ധിപ്പിക്കുമെന്ന് പഠനങ്ങൾ സൂചിപ്പിക്കുന്നു.

കൊളെസ്ട്രോൾ എന്ന വില്ലൻ….

ലോകാരോഗ്യ സംഘടനയുടെ അഭിപ്രായപ്രകാരം മധ്യവയസ്സ് കഴിഞ്ഞ മിക്കവാറും ആളുകളും തങ്ങളുടെ കൊളസ്ട്രോൾ നില കൃത്യമായി പരിശോധിച്ചുറപ്പാക്കേണ്ടതുണ്ട്. ശ്രദ്ധേയമായ ബാഹ്യ ലക്ഷണങ്ങളൊന്നും പ്രകടമാകാത്തതിനാൽ തന്നെ ഇതിൻ്റെ സാധ്യതകൾ ഒരാളിൽ മറഞ്ഞിരുന്നേക്കാം. ഒരാളുടെ ശരീരത്തിലെ കൊളസ്ട്രോൾ നിലയിൽ ഉണ്ടാകുന്ന വ്യതിയാനങ്ങൾ കണ്ടെത്താനുള്ള ഏക മാർഗം രക്തപരിശോധനയാണ്. ഒരു കൊളസ്ട്രോൾ രക്തപരിശോധന ഒരു ഡെസിലിറ്റർ (dL) രക്തത്തിൽ എത്രത്തോളം മില്ലിഗ്രാമിൽ (mg) കൊളസ്ട്രോൾ ഉണ്ടെന്ന് അളക്കുന്നു. സാധാരണ ഒരു കൊളസ്ട്രോൾ രക്ത പരിശോധന നടത്തിയശേഷം നിങ്ങൾക്ക് ലഭിക്കുന്ന പരശോധനാഫലത്തിൽ ഇനി പറയുന്ന കാര്യങ്ങളെല്ലാം ഉൾപ്പെട്ടിരിക്കും :

കൊളെസ്ട്രോൾ എന്ന വില്ലൻ….

ട്രൈഗ്ലിസറൈഡുകൾ – നാം സാധാരണ കഴിക്കുന്ന മാംസാഹാരവും അല്ലാത്തതുമായ ഭക്ഷണങ്ങളിൽ നിന്നും ഉണ്ടാവുന്ന കൊഴുപ്പാണ് ട്രൈഗ്ലിസറൈഡുകൾ. ഒരാളുടെ പരിശോധനയിൽ ലഭിക്കുന്ന ട്രൈഗ്ലിസറൈഡുകളുടെ അളവ് 150 ml / dL ൽ താഴെയായിരിക്കണം. എൽ‌ഡി‌എൽ നില പോലെ തന്നെ നിങ്ങളുടെ രക്തത്തിലെ ട്രൈഗ്ലിസറൈഡുകളുടെ നില ഉയർന്നതാണെങ്കിൽ ഇത് നേരത്തെ സൂചിപ്പിച്ച ആതറോസ്ക്ലറോസിസ് രോഗമുണ്ടാകാനുള്ള സാധ്യത കൂടുതലാണ്.

എച്ച്ഡി‌എൽ – ഒരാളുടെ ശരീരത്തിലെ HDL കൊളസ്ട്രോൾ നില എത്രത്തോളം ഉയരുന്നുവോ ആരോഗ്യത്തിന് അത് അത്രത്തോളം നല്ലതാണെന്ന് പറയാം. സ്ത്രീകൾക്ക് ഏറ്റവും കുറഞ്ഞത് 55 ml / dL ഉണ്ടായിരിക്കണം. പുരുഷന്മാർക്ക് കുറഞ്ഞത് 45 ml / dL ഉണ്ടായിരിക്കണം എന്നാണ് കണക്ക്.

എൽ‌ഡി‌എൽ‌ – എത്രത്തോളം കുറവാണോ അത്രത്തോളം നല്ലത്. നിങ്ങൾക്ക് മറ്റേതെങ്കിലും രോഗ സാധ്യതകൾ ഇല്ലെങ്കിൽ (രക്തക്കുഴൽ രോഗങ്ങൾ, ഹൃദ്രോഗം, പ്രമേഹം മുതലായവ) ഇതിൻ്റെ അളവ് 130 ml / dL കൂടുതലാകാൻ പാടുള്ളതല്ല. മറിച്ച് നിങ്ങൾക്ക് മുകളിൽ പറഞ്ഞ ഏതെങ്കിലും രോഗാവസ്ഥകൾ ഉണ്ടെങ്കിൽ, എൽ‌ഡി‌എൽ‌ കൊളസ്ട്രോളിൻ്റെ അളവ് 100 ml / dL ൽ കൂടുതലാവരുത്.

​

കൊളെസ്ട്രോൾ എന്ന വില്ലൻ….

സാധാരണഗതിയിൽ നമ്മുടെ ജീവിതശൈലി ഘടകങ്ങളാണ് ഒരാളുടെ ശരീരത്തിൽ മോശം കൊളസ്ട്രോളിൻ്റെ നില ഉയർത്തുന്നതിനുള്ള പ്രധാന കാരണം. സാധാരണ നാം കഴിക്കുന്ന ഭക്ഷണങ്ങളിൽ തുടങ്ങി പല കാരണങ്ങളും നിങ്ങളുടെ കൊളസ്ട്രോൾ നില ഉയർത്തുന്നതിന് പിന്നിൽ പ്രവർത്തിക്കും. ഉയർന്ന കൊളസ്ട്രോളിന് കാരണമായേക്കാവുന്ന ചില ജീവിതശൈലി ഘടകങ്ങൾ ഇവയെല്ലാമാണ് :

കൊളെസ്ട്രോൾ എന്ന വില്ലൻ….

അമിതവണ്ണം, പുകവലി,പതിവ് വ്യായാമത്തിന്റെ അഭാവം,അരവണ്ണം അമിതമാകുന്നത് (പുരുഷന്മാർക്ക് 40 ഇഞ്ചിലും സ്ത്രീകൾക്ക് 35 ഇഞ്ചിലും കൂടുതലാവുന്നത്) ചുവന്ന മാംസം, കൊഴുപ്പ് നിറഞ്ഞ പാലുൽപ്പന്നങ്ങൾ, ട്രാൻസ് ഫാറ്റ്, പൂരിത കൊഴുപ്പ്, സംസ്കരിച്ച ഭക്ഷണങ്ങൾ എന്നിവ അടങ്ങിയ ഭക്ഷണക്രമം അമിതമാകുന്നത് വഴി. സമ്മർദ്ദം ഉയർന്ന കൊളസ്ട്രോളിന് കാരണമാകുമെന്ന് ചില പഠനങ്ങൾ സൂചിപ്പിക്കുന്നു. കൊളസ്ട്രോൾ രോഗ സാധ്യതകൾ ജനിതകമായി ലഭിക്കാനുള്ള സാധ്യതയുണ്ട്. ഈ അവസ്ഥയെ ഫാമിലി ഹൈപ്പർ കൊളസ്ട്രോളീമിയ (FH) എന്ന് വിളിക്കുന്നു. പാരമ്പര്യമായി ലഭിക്കുന്ന ജീനുകൾ നിങ്ങളുടെ കരളിന്റെ അധിക എൽ‌ഡി‌എൽ കൊളസ്ട്രോളിനെ ഒഴിവാക്കാനുള്ള കഴിവിനെ ബാധിക്കുമ്പോഴാണ് ഈ രോഗസാധ്യത ഉണ്ടാവുന്നത്. ചില ആളുകളിൽ ചെറുപ്പത്തിൽത്തന്നെ ഹൃദയാഘാതത്തിൻ്റെയും ഹൃദയ രോഗങ്ങളുടെയും സാധ്യത വർദ്ധിക്കാനുള്ള കാരണം ഇതാണ്.

നിങ്ങളുടെ പതിവായുള്ള രക്തപരിശോധനയിൽ എപ്പോഴെങ്കിലും ഉയർന്ന കൊളസ്ട്രോളിന്റെ സാധ്യതകൾ കണ്ടെത്തിയാൽ ഉടൻതന്നെ ഇതിനുവേണ്ട നടപടികൾ ചെയ്തു തുടങ്ങണം. പുകവലി ഉപേക്ഷിക്കണം, ആരോഗ്യകരമായി ഭക്ഷണം കഴിക്കാൻ ശ്രദ്ധ നൽകണം, കൂടുതൽ തവണ വ്യായാമം ചെയ്യുക, സമ്മർദ്ദത്തിന്റെ തോത് കുറയ്ക്കുക എന്നിങ്ങനെയുള്ള ചില മാറ്റങ്ങൾ ജീവിതശൈലിയിൽ വരുത്തുന്നതു വഴി ഇത് നിയന്ത്രിച്ചുനിർത്താൻ കഴിയും. ജീവിതശൈലിയിൽ നിങ്ങൾ വരുത്തുന്ന മാറ്റങ്ങൾ നിങ്ങളുടെ കൊളസ്ട്രോൾ നില കുറയ്ക്കാൻ പര്യാപ്തമല്ലെങ്കിൽ, ഇത് നിയന്ത്രിക്കാനായി ഡോക്ടർമാർ നിങ്ങൾക്ക് ഒന്നോ അതിലധികമോ മരുന്നുകൾ നിർദ്ദേശിച്ചേക്കാം.

കൊളെസ്ട്രോൾ എന്ന വില്ലൻ….

നിങ്ങളുടെ ഇപ്പോഴുള്ള ഭക്ഷണക്രമത്തിൽ മാറ്റങ്ങൾ വരുത്തുന്നത് കൊളസ്ട്രോൾ കുറയ്ക്കുന്നതിനുള്ള ആദ്യത്തെ ഏറ്റവും നല്ല മാർഗമാണ്. കഴിക്കുന്ന ഭക്ഷണങ്ങളിൽ നിന്നും നിങ്ങളുടെ ശരീരം എടുക്കുന്ന മോശം കൊളസ്ട്രോളിന്റെ അളവ് കണക്കാക്കി ഇത് സ്വയം പരിമിതപ്പെടുത്തുകയാണെങ്കിൽ, മോശം കൊളസ്ട്രോൾ ശരീരത്തിൽ വരുത്തിവെക്കുന്ന ആരോഗ്യപ്രശ്നങ്ങളെ ഒരു പരിധി വരെ കുറയ്ക്കാൻ സാധിക്കും.

നിങ്ങളുടെ ശരീരത്തിലെ മോശം കൊളസ്ട്രോൾ നില കുറച്ചുകൊണ്ട് നല്ല കൊളസ്ട്രോൾ നില ഉയർത്താൻ ഈ ഭക്ഷണങ്ങളെല്ലാം കഴിക്കാൻ ശുപാർശ ചെയ്യുന്നു :

• നാരുകൾ കൂടുതൽ അടങ്ങിയ പഴങ്ങൾ
• അവോക്കാഡോ
• ചണ വിത്തുകളും ചിയ വിത്തുകളും
• ബദാം, വാൽനട്ട്, പിസ്ത, ബ്രസീൽ നട്സ്
• വെജിറ്റബിൾ അല്ലെങ്കിൽ ഒലിവ് ഓയിൽ
• പഴങ്ങളും പച്ചക്കറികളും
• ഉപ്പ് അടങ്ങിയിട്ടില്ലാത്ത വിത്തുകൾ, നട്സുകൾ, പയറുവർഗ്ഗങ്ങൾ
• ധാന്യങ്ങൾ (തവിട്ട് അരി, ക്വിനോവ, ഓട്സ്)
• തൊലിയില്ലാത്ത കോഴിയിറച്ചി, കൊഴുപ്പുകുറഞ്ഞ പന്നിയിറച്ചി, അല്ലെങ്കിൽ കൊഴുപ്പുകുറഞ്ഞ ചുവന്ന മാംസം
• ബേക്ക് ചെയ്ത അല്ലെങ്കിൽ ഗ്രിൽ ചെയ്ത മത്സ്യം (സാൽമൺ, ട്യൂണ, മത്തി)

അല്ലെങ്കിൽ വല്ലപ്പോഴും മാത്രം അവർ തിരഞ്ഞെടുക്കുക :

• വറുത്ത ഭക്ഷണങ്ങൾ
• ചുവന്ന മാംസം
• ഹൈഡ്രജൻ എണ്ണകളുള്ള ഭക്ഷണങ്ങൾ
• എണ്ണകൾ (വെളിച്ചെണ്ണ, പാം ഓയിൽ)
• പൂർണ്ണ കൊഴുപ്പ് അടങ്ങിയിട്ടുള്ള പാലുൽപ്പന്നങ്ങൾ (പാൽ, ചീസ്, ഐസ്ക്രീം)
• ട്രാൻസ് അല്ലെങ്കിൽ പൂരിത കൊഴുപ്പുകൾ ഉപയോഗിച്ച് നിർമ്മിച്ച ഭക്ഷ്യവസ്തുക്കൾ.