Nammude Arogyam
Cancer

രക്താർബുദം അഥവാ ബ്ലഡ് ക്യാൻസർ എങ്ങിനെ തിരിച്ചറിയാം: അറിയേണ്ടതെല്ലാം

ഇന്ത്യയിൽ കണ്ടെത്തിയ പുതിയ കാൻസർ കേസുകളിൽ എട്ട് ശതമാനവും രക്താർബുദമാണ്. രക്തം, അസ്ഥി മജ്ജ അല്ലെങ്കിൽ ലിംഫ് നോഡുകൾ (ലസീക ഗ്രന്ഥി) എന്നിവിടങ്ങളിൽ ഉണ്ടാകുന്ന അനിയന്ത്രിതമായ രക്താണുക്കളുടെ ഉൽ‌പാദനത്തിനും മാറ്റം വരുത്തിയ പ്രവർത്തനത്തിനും കാരണമാകുന്ന ക്യാൻസർ കോശങ്ങളുടെ വളർച്ചയാണ് രക്താർബുദം അഥവാ ബ്ലഡ് ക്യാൻസർ.

തെറ്റായ വിവരവും രക്താർബുദത്തെയും, അതിന്റെ വിവിധ തരങ്ങളെക്കുറിച്ചും ഉള്ള അവബോധത്തിന്റെ അഭാവമാണ് മിക്ക ആളുകൾക്കും. രക്താർബുദം നിയന്ത്രിക്കാൻ കഴിയുമെന്നതും കീമോതെറാപ്പിയും മറ്റ് ചികിത്സകളും ഉപയോഗിച്ച് ഒരു രോഗിക്ക് ജീവിതത്തിൽ സാധാരണ ജീവിതത്തിലേക്ക് എളുപ്പം തിരിച്ചുവരാനുള്ള അവസരം ലഭിക്കുമെനുമുള്ള കാര്യങ്ങളാണ് മിക്ക ആളുകൾക്കും അറിയാത്തത്. ചില രോഗികൾക്ക് സ്റ്റെം സെൽ ട്രാൻസ്പ്ലാൻറ് ആവശ്യമാണ്, പ്രത്യേകിച്ച് കീമോതെറാപ്പി ഉപയോഗിച്ച് ചികിത്സിക്കാൻ കഴിയാത്ത രോഗികൾക്ക്.

വിവിധ തരത്തിലുള്ള രക്താർബുദങ്ങളിൽ ഇന്ത്യൻ ജനസംഖ്യയെ ബാധിക്കുന്ന ഏറ്റവും സാധാരണമായ മൂന്ന് തരങ്ങൾ ഇനി പറയുന്നവയാണ്:

1.ലിംഫോമ: ലിംഫാറ്റിക് സിസ്റ്റം അഥവാ ലസീക ഗ്രന്ഥിയിൽ വികസിക്കുന്ന ഒരു കൂട്ടം രക്താർബുദങ്ങളെ വിളിക്കുന്ന പേരാണ് ഇത്. ഹോഡ്ജ്കിൻ ലിംഫോമ, നോൺ-ഹോഡ്ജ്കിൻ ലിംഫോമ എന്നിവയാണ് ഇതിന്റെ രണ്ട് പ്രധാന തരങ്ങൾ.

2.ലുക്കീമിയ: സാധാരണ രക്താണുക്കൾ മാരകമായിത്തീരുകയും അനിയന്ത്രിതമായി വളരുകയും ചെയ്യുമ്പോൾ ഉണ്ടാകുന്ന രക്താർബുദമാണ് ഇത്. രോഗം ബാധിച്ച കോശങ്ങൾ (മൈലോബ്ലാസ്റ്റുകൾ, ലിംഫോസൈറ്റുകൾ), രോഗം മന്ദഗതിയിലാണോ അല്ലെങ്കിൽ അതിവേഗം വളരുകയാണോ (വിട്ടുമാറാത്തതും, അതീവ ഗുരുത്തരവുമായത്) എന്നത് അനുസരിച്ച് ഈ രോഗം പ്രധാനമായും നാല് തരം ഉണ്ട്. അസ്ഥിമജ്ജയിൽ നിന്നാണ് പ്രധാനമായും ലുക്കീമിയ ആരംഭിക്കുന്നത്.

3.മൾട്ടിപ്പിൾ മൈലോമ: പ്ലാസ്മ കോശങ്ങൾ (ഒരുതരം രക്താണുക്കൾ) അനിയന്ത്രിതമായി വളരാൻ തുടങ്ങുമ്പോൾ അസ്ഥിമജ്ജയിൽ നിന്ന് ആരംഭിക്കുന്ന ക്യാൻസറാണിത്. കോശങ്ങൾ വളരുമ്പോൾ അവ രോഗപ്രതിരോധവ്യവസ്ഥയിൽ വിട്ടുവീഴ്ച ചെയ്യുകയും വെളുത്തതും ചുവന്നതുമായ രക്താണുക്കളുടെ ഉത്പാദനവും പ്രവർത്തനവും തടസ്സപ്പെടുത്തുകയും, അതുവഴി അസ്ഥി രോഗം, അവയവങ്ങളുടെ തകരാറ്, വിളർച്ച എന്നിവയ്ക്ക് കാരണമാകുകയും ചെയ്യുന്നു.

ലിംഫോമയും ലുക്കീമിയയും മുതിർന്നവരെയും കുട്ടികളെയും ഒരുപോലെ ബാധിക്കുന്നു. പക്ഷേ, മുതിർന്നവരെ ബാധിക്കുന്ന താരതമ്യേന സാധാരണമായ അവസ്ഥയാണ് മൈലോമ.

ലക്ഷണങ്ങൾ

1.രക്താർബുദത്തിന്റെ മിക്ക കേസുകളിലും, രോഗിക്ക് ക്ഷീണവും ബലഹീനതയും അനുഭവപ്പെടുന്നു. രക്തത്തിലെ ചുവന്ന രക്താണുക്കളുടെ എണ്ണം കുറയാൻ തുടങ്ങുന്നതിനാലാണ് ഇത് സംഭവിക്കുന്നത്, അതിനാൽ ആ വ്യക്തിയിൽ രക്തത്തിന്റെ അഭാവം ഉണ്ടാകുന്നു.

2.പനി ക്യാൻസറിന്റെ ഒരു സാധാരണ ലക്ഷണമാണ്. കാൻസർ രോഗിയുടെ പ്രതിരോധശേഷി ദുർബലമാവുന്നു, അതിന്റെ ഫലമായി രോഗിക്ക് പലപ്പോഴും പനി ഉണ്ടാകാറുണ്ട്.

3.രക്താർബുദം ബാധിച്ച ഒരാൾക്ക് ആവർത്തിച്ചുള്ള അണുബാധകൾ ഉണ്ടാകാനുള്ള സാധ്യത വളരെ കൂടുതലാണ്. ശരീരത്തിൽ രക്താർബുദ കോശങ്ങൾ വികസിക്കുമ്പോൾ, രോഗിയുടെ വായ, തൊണ്ട, ചർമ്മം, ശ്വാസകോശം മുതലായവയിൽ അണുബാധയുടെ ലക്ഷണങ്ങൾ കാണാൻ തുടങ്ങുന്നതാണ്.

4.ക്യാൻസർ ബാധിച്ച ആളുകൾക്ക് അസാധാരണമായ രീതിയിൽ ശരീര ഭാരത്തിൽ കുറവ് സംഭവിക്കുന്നു. വ്യക്തമായ കാരണങ്ങളൊന്നുമില്ലാതെ ശരീരഭാരം കുറയുകയാണെങ്കിൽ, അത് ക്യാൻസറിന്റെ പ്രാഥമിക ലക്ഷണമായി കാണാൻ സാധിക്കുന്നതാണ്.

5.എല്ലുകളിലും സന്ധികളിലുമുള്ള കടുത്ത വേദന സന്ധിവേദനയുടെ മാത്രമല്ല രക്താർബുദത്തിന്റെയും ലക്ഷണമാണ്. എല്ലുകൾക്കും സന്ധികൾക്കും ചുറ്റും വലിയ അളവിൽ കാണപ്പെടുന്ന അസ്ഥിമജ്ജയിൽ ബാധിക്കുന്ന ഒരു ഗുരുതരമായ രോഗമാണ് രക്താർബുദം.

6.ശരീരത്തിലെ രക്താർബുദ കോശങ്ങളുടെ അസാധാരണ രൂപീകരണം പ്ലേറ്റ്ലെറ്റുകൾ പോലുള്ള ആരോഗ്യകരമായ രക്താണുക്കളുടെ രൂപീകരണത്തെ അസ്ഥിമജ്ജ തടയുന്നു. ഇതിന്റെ കുറവ് കാരണം, രോഗിയുടെ മൂക്കിൽ നിന്നും, മോണയിൽ നിന്നും, ആർത്തവ സമയത്തും കൂടുതൽ രക്തസ്രാവം ഉണ്ടാകുന്ന പ്രശ്നങ്ങൾ കാണാൻ കഴിയും.

ചികിത്സാ മാർഗ്ഗങ്ങൾ

രക്താർബുദ ചികിത്സയുടെ പ്രധാന ഘടകം കീമോതെറാപ്പിയാണ്. എന്നിരുന്നാലും, ചില രോഗികൾക്ക് “ടാർഗെറ്റഡ്”, “ഇമ്മ്യൂണോതെറാപ്പി” എന്നിവ ഉപയോഗിച്ചും ചികിത്സ നൽകാം. എന്നാൽ നല്ലൊരു വിഭാഗം രോഗികൾക്ക്, മുകളിൽ പറഞ്ഞ ചികിത്സാ രീതികൾ ഉപയോഗിച്ച് ചികിത്സ സാധ്യമല്ലായിരിക്കാം, മാത്രമല്ല അവർക്ക് ചികിത്സയ്ക്കായി ബ്ലഡ് സ്റ്റെം സെൽ ട്രാൻസ്പ്ലാൻറ് ആവശ്യമായി വന്നേക്കാം.

ലിംഫോമ, ലുക്കീമിയ, മൈലോമ, ഹോഡ്ജ്കിൻ രോഗം, മറ്റ് രക്ത വൈകല്യങ്ങളായ അപ്ലാസ്റ്റിക് അനീമിയ, തലാസീമിയ എന്നിവയുൾപ്പെടെ മാരകമായതും മാരകമല്ലാത്തതുമായ അവസ്ഥകൾക്ക് ബ്ലഡ് സ്റ്റെം സെൽ ട്രാൻസ്പ്ലാൻറ് ഉപയോഗിച്ച് ചികിത്സിക്കാം. ചിലപ്പോൾ, രക്താർബുദ രോഗിയുടെ നിലനിൽപ്പിനുള്ള ഏക ചികിത്സാ മാർഗം ബ്ലഡ് സ്റ്റെം സെൽ ട്രാൻസ്പ്ലാൻറ് മാത്രമാണ്. 70 മുതൽ 90 ശതമാനം വരെ രോഗികളിൽ വിജയകരമായി ബ്ലഡ് സ്റ്റെം സെൽ ട്രാൻസ്പ്ലാൻറ് ചെയ്ത് ജീവിത്തിലേക്ക് തിരിച്ചു വരാൻ അവസരം ലഭിക്കുന്നതാണ്. എന്നാൽ ഇത് രോഗാവസ്ഥയെയും ദാതാവിന്റെ തരത്തെയും ആശ്രയിച്ചാണ് പ്രധാനമായും ഫലപ്രദമായി പ്രവർത്ഥിക്കുന്നത്.

ബ്ലഡ് സ്റ്റെം സെൽ ട്രാൻസ്പ്ലാൻറ് വിജയിക്കാൻ, ദാതാവിന്റെ സ്റ്റെം സെല്ലും രോഗിയും തമ്മിലുള്ള തിരസ്കരണ പ്രതികരണങ്ങൾ ഒഴിവാക്കുന്നതിന് ദാതാവിന്റെയും രോഗിയുടെയും എച്ച്എൽ‌എ (ഹ്യൂമൻ ല്യൂകോസൈറ്റ് ആന്റിജൻ) കഴിയുന്നത്ര സമാനമായിരിക്കണം എന്നത് പ്രധാനമാണ്. ടിഷ്യു തരങ്ങൾ മാതാപിതാക്കളിൽ നിന്ന് കുട്ടികളിലേക്ക് കൈമാറുന്നു. ജീവൻ രക്ഷിക്കാനുള്ള ചികിത്സയായി സ്റ്റെം സെൽ ട്രാൻസ്പ്ലാൻറ് ആവശ്യമുള്ള 30 ശതമാനം രോഗികൾക്ക് മാത്രമേ രക്ത ബന്ധത്തിൽ നിന്ന് ഇത് കണ്ടെത്താൻ കഴിയാറുള്ളൂ. ബാക്കിയുള്ള 70 ശതമാനം പേരും പരസ്പരം രക്തബന്ധമില്ലാത്ത ദാതാവിനെ കണ്ടെത്തുന്നതിനെ ആശ്രയിച്ചിരിക്കുന്നു.

മുതിർന്ന ആരോഗ്യമുള്ള ബന്ധമില്ലാത്ത ദാതാക്കളെ ചേർത്ത് ഉണ്ടാക്കിയ ഡി.കെ.എം.എസ് ബി.എം.എസ്.ടി ഫൗണ്ടേഷൻ ഇന്ത്യ പോലുള്ള ബ്ലഡ് സ്റ്റെം സെൽ രജിസ്ട്രികളുടെ പ്രാധാന്യം വരുന്നത് ഇവിടെയാണ്.ബന്ധമില്ലാത്ത ദാതാക്കളുടെ ട്രാൻസ്പ്ലാൻറ് പ്രക്രിയയിൽ ബ്ലഡ് സ്റ്റെം സെൽ രജിസ്ട്രികൾ സഹായിക്കുന്നു. ദാതാക്കളെ ഉപദേശിക്കുക, അവരെ ഇതിലേക്ക് ചെയ്യുക, അവരുടെ എച്ച്എൽ‌എ ടൈപ്പിംഗ് പൂർത്തിയാക്കുക, ദാതാക്കളെ തിരയുന്നത് സുഗമമാക്കുക, പിന്നീട് രക്ത സ്റ്റെം സെൽ ശേഖരണത്തിനും ട്രാൻസ്പ്ലാൻറിനും സൗകര്യമൊരുക്കുക തുടങ്ങിയ കാര്യങ്ങൾ ഇവർ കൃത്യവും ഫലപ്രദവുമായി നടപ്പിലാക്കുന്നു.

ദാതാവിനെ തിരയുന്ന ഓരോ രക്താർബുദ രോഗിക്കും ഒരാളെ കണ്ടെത്തുവാൻ സാധിക്കുന്നുവെന്ന് ഉറപ്പുവരുത്തുന്നതിനും, അവരുടെ ജീവൻ രക്ഷിക്കുന്നതിനുമായി ബ്ലഡ് സ്റ്റെം സെൽ ദാതാക്കളായി രജിസ്റ്റർ ചെയ്യേണ്ടത് നമ്മൾ ഓരോരുത്തരുടെയും കടമയും ഉത്തരവാദിത്വവുമാണ്. ഒരാളുടെ ജീവൻ രക്ഷിക്കുന്നതിനെക്കാൾ മഹത്തരമായ ഒന്നും ഈ ലോകത്ത് ഇല്ലെന്ന കാര്യം നാമെല്ലാവരും മനസ്സിലാക്കുക.

Related posts